އއ. ފެރިދޫ ސިއްހީ މަރުކަޒު އަޕްގްރޭޑް ކުރުމުގެ މަސައްކަތް ބާރަށް ކުރިއަށް

އއ. ފެރިދޫ ސިއްހީ މަރުކަޒުގެ އެކްސްޓެންޝަން އިމާރާތް އެޅުމުގެ މަޝްރޫއުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބާރު ދުވެލީގައި ކުރިއަށް ގެންދާކަން އެ ކުންފުނިން ހާމަކޮށްފިއެވެ.

އެމްޓީސީސީން މައުލޫމާތު ދޭ ގޮތުގައި މިހާރު ސައިޓުގައި ކުރިއަށްދަނީ ބޭސްމަންޓް ބެކްފިލް ކުރުމާއި، ތަނބުތަކުގެ ރީއިންފޯސްމަންޓް އަދި ޝަޓަރިންގެ މަސައްކަތްތަކެވެ. މީގެ ތެރޭގައި އިމާރާތުގެ ބިންގާ ވަރުގަދަކުރުމަށްޓަކައި ވެލި އެޅުމާއި، ތަނބުތަކަށް ބޭނުންވާ ދަގަނޑު އެޅުމުގެ އިތުރުން ކޮންކްރީޓް އެޅުމަށް ތައްޔާރުވުމުގެ ގޮތުން ކުރަންޖެހޭ ޝަޓަރިން މަސައްކަތްތައް ހިމެނެއެވެ.

މިނިސްޓްރީ އޮފް ހެލްތުގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޖުމްލަ 7,050,506.92 ރުފިޔާގެ މަޝްރޫއެކެވެ. މި މަޝްރޫއުގެ ދަށުން ފެރިދޫ ސިއްހީ މަރުކަޒަށް ބޭނުންވާ އާ އެކްސްޓެންޝަން އިމާރާތެއް ބިނާކުރެވިގެންދާނެއެވެ.

Project Update: Upgrading of AA.Feridhoo Health center

Basement backfilling and column reinfrocement & shuttering are currently ongoing at the site.

Follow more updates at: https://t.co/SfVAzkVuzR#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/Ziik5jg6gl

— MTCC Plc (@MTCCPlc) June 28, 2026

މި މަޝްރޫއު ނިމުމުން ފެރިދޫގެ ސިއްހީ ހިދުމަތްތައް އިތުރަށް ފުޅާވެ، ރައްޔިތުންނަށް އެކަށީގެންވާ ފެންވަރެއްގައި ހިދުމަތް ދިނުމަށް މަގުފަހިވެގެންދާނެ ކަމަށް ބެލެވެއެވެ.