އެމްއެމްއޭގެ ފަރާތުން އިސްލާމިކް ފައިނޭންސް ކިޔެވުމަށް 15 ސްކޮލަރޝިޕް

އިސްލާމީ މާލީ ނިޡާމުގެ ދާއިރާއިން މާސްޓަރސް ފެންވަރުގައި ކިޔެވުމަށް 15 ސްކޮލަރޝިޕް އެމްއެމްއޭ އިން ދޫކޮށްފިއެވެ.

ރާއްޖޭގެ މަރުކަޒީ ބޭންކު ކަމުގައިވާ އެމްއެމްއޭ އިން މިލޯނުތައް ދޫކޮށްފައިވަނީ، މިއަދު އިފްތިތާޙު ކުރި "ތަމްވީލް ފިންލިޓް ފެސްޓް" އިނީޝިއޭޓިވް ގެ ދަށުންނެވެ. އެމްއެމްއޭ އިން ދޫކޮށްފައިވާ 15 ސްކޮލަރޝިޕްގެ ތެރެއިން 5 ސްކޮލަރޝިޕް އަކީ ފުރިހަމައަށް ފަންޑު ކޮށްފައިވާ ސްކޮލަރޝިޕް ތަކަކަށް ވީއިރު، ބާކީ އޮތް 10 ސްކޮލަރޝިޕަކީ އެއްބައި ފަންޑުކޮށްފައިވާ ސްކޮލަރޝިޕް ތަކެއް ކަމަށް އެމްއެމްއޭ އިން ހާމަކުރިއެވެ. މިއެންމެހައި ސްކޮލަރޝިޕްތަކަކީ ވެސް މެލޭޝިޔާގެ އައިއެންސީއީއައިއެފް ޔުނިވަރސިޓީ އިން ކިޔެވުމަށް ދިން ސްކޮލަރޝިޕްތަކެކެވެ.

At our Tamweel FinLit Fest launch, we proudly awarded 15 scholarships for the Executive Masters in Islamic Finance (eMIF) at INCEIF University, Malaysia, including 5 fully funded and 10 partially funded.

This transformative programme empowers working professionals to lead with… pic.twitter.com/SjIBsH6owH

— MMA (@MMA_Maldives) August 11, 2025

 "ތަމްވީލް ފިންލިޓް ފެސްޓް" އަކީ މާލީ ގޮތުން މުޖުތަމަޢު ހޭލުންތެރިކުރުވުމާއި، ޒިންމާދާރު ގޮތެއްގައި ފައިސާ ގެންގުޅުމަށް ބާރުއެޅުމާއި، އިސްލާމީ މާލީ ނިޡާމުގެ ޢިލްމު ފެތުރުމުގެ މަޤުޞަދުގައި ބޭއްވި އިނީޝިއޭޓިވް އެކެވެ. އެމްއެމްއޭ ގައި ބޭއްވި ޚާއްޞަ ރަސްމިއްޔާތެއްގައި މިއިނީޝިއޭޓިވް އިފްތިތާޙުކޮށްދެއްވީ، ތަޢުލީމީ ވަޒީރު ޑރ. އިސްމާޢީލް ޝަފީޢުއެވެ. ރަސްމިއްޔާތުގައި ވާހަކަފުޅު ދައްކަވަމުން، މާލީ ހޭލުންތެރިކަމުގެ މުހިންމު ކަމުގެ މައްޗަށް ވަޒީރު ޝަފީޢު ވަނީ އަލިއަޅުއްވާލައްވާފައެވެ.