މެޕްގެ ގްރާންޓުގެ ދަށުން 6 ދަނޑުވެރިންނާއެކު އެއްބަސްވުމުގައި ސޮއިކޮށްފި

މޯލްޑިވްސް އެގްރިބިޒްނަސް ޕްރޮގްރާމް (މެޕް) ގެ ދަށުން ދަނޑުވެރިންނަށް މާލީ އެހީތެރިކަން ފޯރުކޮށްދިނުމަށްޓަކައި, އެސްޑީއެފްސީ އާއެކު ހުޅުވާލި ގްރާންޓް ސްކީމްގެ ދަށުން، ދަނޑުވެރިންގެ އަމިއްލަ ގްރީން ހައުސް ޤާއިމްކުރުމަށް 6 ދަނޑުވެރިންނާއެކު މިއަދު އެއްބަސްވުމުގައި ސޮއިކޮށްފައިވާކަމަށް، ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ހާމަކޮށްފިއެވެ.

މެޕްގެ ގްރާންޓުގެ ދަށުން 6 ދަނޑުވެރިންނާއިއެކު އެއްބަސްވުމުގައި ސޮއިކޮށްފި

މޯލްޑިވްސް އެގްރިބިޒްނަސް ޕްރޮގްރާމް (މެޕް) ދަށުން ދަނޑުވެރިންނަށް މާލީ އެހީ ތެރިކަން ފޯރުކޮށް ދިނުމަށްޓަކައި, އެސްޑީއެފްސީ އާއިއެކު ހުޅުވާލި ގްރާންޓް ސްކީމްގެ ދަށުން، ދަނޑުވެރިންގެ އަމިއްލަގްރީން ހައުސް… pic.twitter.com/zitmUILlgs

— Ministry of Agriculture and Animal Welfare (@MAAWmv) August 10, 2025

މެޕްއަކީ ދަނޑުވެރިކަމާއި ދިރޭތަކެއްޗާއި ބެހޭ ވުޒާރާ އާއި އިންޓާނޭޝަނަލް ފަންޑް ފޯ އެގްރިކަލްޗަރަލް ޑިވެލޮޕްމަންޓް (އިފާޑް) ގުޅިގެން، ދިވެހިރާއްޖޭގައި ދަނޑުވެރިކަމުގެ ދާއިރާ ކުރިއެރުވުމަށް ބޭނުންވާ ތަފާތު ޙަރަކާތްތަކާއި ތަމްރީންތައް ހިންގުމަށް އުފައްދާފައިވާ ޕްރޮގްރާމެވެ. މި ސްކީމްގެ ދަށުން ޕްރޮޕޯޒަލް ހުށަހެޅުމުގެ ފުރުޞަތު މިދިޔަ އަހަރުގެ ތެރޭގައި ހުޅުވާލާފައިވީއިރު، މި ފުރުޞަތުގައި ޖުމްލަ 68 ދަނޑުވެރިން ގްރާންޓަށް އެދި ހުށަހެޅިއެވެ.

ދަނޑުވެރިކަމުގެ ކަންކަން ކުރިން ބަލަހައްޓަމުން އައީ ފިޝަރީޒް އެންޑް އެގްރިކަލްޗާ މިނިސްޓްރީގެ ދަށުން ކަމަށްވާތީ، ދަނޑުވެރިންނަށް ދެވޭ އަހަންމިއްޔަތު ކުޑަކަމަށް ބައެއް ދަނޑުވެރިން އައީ ބުނަމުންނެވެ. ވީމާ، ދަނޑުވެރިންނަށް ދެވޭ ސަމާލުކަން އިތުރުކުރުމަށް، ދަނޑުވެރިކަމާ ބެހޭ ޚާއްޞަ ވުޒާރާއެއް މި ސަރުކާރުން އެކުލަވާލިއެވެ. ދަނޑުވެރިކަމާ ބެހޭ މި ވުޒާރާއިން ދަނޑުވެރިކަން ކުރިއެރުމަށް މުހިންމު މަސައްކަތްތަކެއް ހިންގަމުން ދާއިރު، މެޕްގެ ފަރާތުން ހުޅުވިގެންދާ ފުރުޞަތުތައް ފާހަގަކޮށްލަން ޖެހެއެވެ.