މައްސަލަ ޙައްލުކޮށް، ޚިދުމަތްތައް އަލުން ފަށައިފިން: ޓްރާންސްޕޯޓް މިނިސްޓްރީ

ޓްރާންސްޕޯޓް މިނިސްޓްރީގެ ސަރވަރއަށް އިއްޔެ ދިމާވި ކުއްލި މައްސަލަ މިހާރު ޙައްލުވެފައިވާ ކަމަށާއި، ކުރިއެކޭ އެއްގޮތަށް އެމިނިސްޓްރީގެ ޚިދުމަތްތައް ފަށާފައިވާ ކަމަށް އެ މިނިސްޓްރީއިން ހާމަކޮށްފިއެވެ. އިއްޔެ (29 ޖުލައި) ގައި އެމިނިސްޓްރީގެ ސަރވަރ އަށް ކުރިމަތިވި ކުއްލި ޓެކްނިކަލް މައްސަލައަކާ ގުޅިގެން އެމިނިސްޓްރީގެ ޚިދުމަތްތައް ވަޤުތީ ގޮތުން މެދުކަނޑާލިއެވެ. މިމައްސަލަ މިހާރު ޙައްލު ކުރެވި، މިނިސްޓްރީގެ ޚިދުމަތްތައް އަލުން ފަށާފައިވާ ކަމަށް ޓްރާނސްޕޯޓް މިނިސްޓްރީ އިން ހާމަކުރީ، އެމިނިސްޓްރީގެ އެކްސް އެކައުންޓް އިން މިއަދު 10:33 ގައި ކުރި ޕޯސްޓެއް މެދުވެރިކޮށެވެ.

2025 ޖުލައި 29 ވަނަ ދުވަހު މި މިނިސްޓްރީއަށް ދިމާވި ޓެކްނިކަލް މައްސަލަ މިހާރުވަނީ ޙައްލު ކުރެވިފައެވެ. އަދި ކުރިޔެކޭ އެއްގޮތަށް ޚިދުމަތް ފޯރުކޮށްދެމުން ގެންދާ ވާހަކަ ޢާންމު ރައްޔިތުންގެ މަޢުލޫމާތަށްޓަކައި ދަންނަވަމަވެ. މި އުދަނގޫ ވަގުތުގައި ތިޔަ ޢާންމު ރައްޔިތުންގެ ފަރާތުން…

— Ministry of Transport and Civil Aviation (@MoTCAmv) July 30, 2025

ޚިދުމަތް މެދުކެނޑިފައިވީ މުއްދަތުގައި ރައްޔިތުންނަށް ކުރިމަތިވީ އުނދަގޫތަކަށް މަޢާފަށް އެދެމުން، ރައްޔިތުންގެ ކެތްތެރިކަމަށް އެމިނިސްޓްރީއިން ވަނީ އިޚްލާޞްތެރިކަމާ އެކު ޝުކުރު ދަންނަވާފައެވެ.