މޯލްޑިވިއަންއިން ފުރަތަމަ ފަހަރަށް ޢުމްރާ ދަތުރުތައް ފަށައިފި

ރާއްޖޭގެ ޤައުމީ އެއަރލައިން، މޯލްޑިވިއަންއިން ފުރަތަމަ ފަހަރަށް ޢުމްރާ ދަތުރުތައް ފަށައިފިއެވެ. މިއީ މޯލްޑިވިއަންގެ ހިދުމަތްތަކަށް އިތުރު ކުރެވުނު އާ ބާބެކަމަށް އެ ކުންފުނިން ބުނެއެވެ. މި ތާރީޚީ ދަތުރުތައް މިއަދު ފަށާފައިވާއިރު، މިއީ ގިނަ އަދަދެއްގެ ޢުމްރާ ކުންފުނިތަކަކުން ޢުމްރާ ދަތުރުކޮށްދޭން އެދެމުން ކުރެވުނު ކަމެކެވެ.

މޯލްޑިވިއަންއިން މިއަދު ފެށި ޢުމްރާ ދަތުރުތަކުގައި ފުރަތަމަ ދަތުރުކުރީ ހައްޖު ކޯޕަރޭޝަނާއި ދަ ޓްރެވެލަރ ގްރޫޕްގެ ހަވާލުގައި އުމްރާއަށް ދާ މީހުންނެވެ. އެއަރލައިނުން ވިދާޅުވެފައިވާ ގޮތުގައި މިމަހު 750 އަށް ވުރެ ގިނަ ޢުމްރާވެރިން އެ އެއަރލައިނުން އުމްރާއަށް ގެންދާނެއެވެ. މީގެ އިތުރުން، މޯލްޑިވިއަންއިން ބާއްވާ ޢުމްރާ ދަތުރުތައް މިމަހުގެ 22 ވަނަ ދުވަހު އަދި 27 ވަނަ ދުވަހުވެސް ކުރިއަށް ދާނެއެވެ.

Today, we mark the launch of our first-ever direct Umrah flights to Jeddah, in partnership with @Hajjcorporation and The Traveller.

While over 750 pilgrims are to set embark on this journey this July, we as the national airline of Maldives are committed to making this sacred… pic.twitter.com/taeVZTZCKM

— MaldivianAero (@MaldivianAero) July 22, 2025

މި މަތިވެރި އަޅުކަމަށް ދަތުރުކުރާ މީހުންނަށް ފަސޭހަ ކޮށްދިނުމުގެ ގޮތުން، މޯލްޑިވިއަންއިން ޢުމްރާ ދަތުރުތަކުގައި ބޭނުންކުރަނީ އެއަރބަސް ވައިޑް-ބޮޑީ މަތިންދާބޯޓުކަމަށް އެ ކުންފުނިން ހާމަކުރެއެވެ.

މޯލްޑިވިއަންއިން ޢުމްރާ ދަތުރުތައް ފަށާފައިވާއިރު، މިއަހަރު ރާއްޖެއިން ޙައްޖަށް ދިޔަ ހައްޖާޖީން ސައުދީ އަރަބިއްޔާއަށް ގެންދިއުމަށްވެސް އެ އެއަރލައިނުން ވަނީ ކާމިޔާބުކަމާއެކު ދަތުރުތައް ބާއްވާފައެވެ. މިއީ ރާއްޖޭގެ ރައްޔިތުންނަށް ދީނީ އަޅުކަންތައް އަދާކުރުމަށް ޤައުމީ އެއަރލައިނުން ދެމުންދާ އެހީތެރިކަން އިތުރުވެގެންދާ ކަމެކެވެ.