ޚަބަރު
އަންހެނުން ޑިޕްލޮމަސީގައި އަދާކުރާ މުހިންމު ދައުރު މިއަދު ފާހަގަކުރަންޖެހޭ: ރައީސް މުޢިއްޒު
ރައީސް ޑރ މުޙައްމަދު މުޢިއްޒު
ބައިނަލްއަޤްވާމީ އަންހެނުންގެ ޑިޕްލޮމަސީ ދުވަސް ފާހަގަކުރާއިރު، އަންހެނުން ޑިޕްލޮމަސީގައި އަދާކުރާ މުހިންމު ދައުރު ފާހަގަކުރަންޖެހޭ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
މިއަދު ފާހަގަކުރެވޭ މި ދުވަހާ ގުޅިގެން އެކްސްގައި ކުރެއްވި ރައީސް މުޢިއްޒު ވިދާޅުވީ، މި ދުވަސް ފާހަގަކުރުމަށް އދ. ގައި ހުށަހެޅި ޤަރާރު ތަޢާރަފުކުރި ޤައުމުތަކުގެ ތެރޭގައި ދިވެހިރާއްޖެ ހިމެނޭތީ އެކަމާ ފަޚުރުވެރިވާ ކަމަށެވެ.
On the occasion of the International Day of Women in Diplomacy, let us acknowledge the critical role women play in shaping foreign policy. It is with utmost pride that the Maldives commemorate this day, as one of the Member States of the UN that spearheaded this movement into…
— Dr Mohamed Muizzu (@MMuizzu) June 24, 2025
އަންހެނުން ޑިޕްލޮމަސީގައި އަދާކުރާ ދައުރު ފުޅާކޮށް، އަންހެނުންނާއި އަންހެން ކުދިންގެ އަޑު އިވި، އެފަރާތްތަކަށް އިޙްތިރާމް ލިބޭ މާހައުލެއް ޤާއިމްކުރުމަށް ދިވެހިރާއްޖެއިން މަސައްކަތްކުރާނެ ކަމަށްވެސް ރައީސް މުޢިއްޒު ވިދާޅުވިއެވެ.
ބައިނަލްއަޤްވާމީ ސުލްހައާއި ތަރައްޤީގެ މަގުގައި އަންހެނުންނަކީ އިސް ދައުރެއް އަދާކުރާ ބައެއްގެ ގޮތުގައި ދެމިތިބޭނެ ކަމަށް ދިވެހިރާއްޖެއިން ޤަބޫލުކުރަން
ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު
އަންހެނުންގެ ޑިޕްލޮމަސީ ދުވަސް ފާހަގަކުރަން ފެށީ 2022 ވަނަ އަހަރުން ފެށިގެންނެވެ. މި ދުވަސް ފާހަގަކުރުމުގެ މައިގަނޑު މަޤްޞަދަކީ ބައިނަލްއަޤްވާމީ ގުޅުންތައް ބަދަހިކުރުމުގައި އަންހެނުން އަދާކުރާ މުހިންމު ދައުރު ފާހަގަކޮށް، އެކަން ކުރިއެރުވުމެވެ.
