ޚަބަރު
ހައްޖުވެރިން ރާއްޖެ އަންނަ ދުވަސްތަކުގައި އެއަރޕޯޓުގެ ޓްރެފިކަށް ސަމާލުވުމަށް އިލްތިމާސްކޮށްފި
އެއާރޕޯޓުގެ ޓްރެފިކް ބެލެހެއްޓުމަށް ފުލުސް އޮފިސަރަކު ހަރަކާތްތެރިވަނީ ---
ހައްޖުވެރިން ރާއްޖެ އަންނަ ދުވަސްތަކުގައި ވެލާނާ އިންޓަނޭޝަނަލް އެއާރޕޯޓުގެ ޓްރެފިކް ބެލެހެއްޓުމަށް ތިބޭ ފުލުހުންގެ އިރުޝާދުތަކަށް ފުރިހަމައަށް ސަމާލުވު، އެއްބަރުލުން ދެއްވުމަށް ދިވެހި ފުލުހުންގެ ހިދުމަތުން އިލްތިމާސްކޮށްފިއެވެ.
ސޯޝަލް މީޑިއާގައި ފުލުހުން ހިއްސާކުރި ޕޯސްޓެއްގައި ބުނީ، ޙައްޖުވެރިން ރާއްޖެ އައުމަށް ހަމަޖެހިފައިވާ ދުވަސްތަކުގައި ޙައްޖުވެރިން ބަލާ އެއާޕޯޓަށް ވަޑައިގަންނަވާ ގާތްތިމާގެ މީހުންނާއި، އެއާޕޯޓަށް ދަތުރުކުރާ އެއްގަމު އުޅަނދު ދުއްވާ ފަރާތްތަކުން، ފުލުހުންގެ އިރުޝާދުތަކާ އެއްގޮތަށް އަމަލުކުރެއްވުމަށެވެ.
ޙައްޖުވެރިން ރާއްޖެ އައުމަށް ހަމަޖެހިފައިވާ ދުވަސްތަކުގައި ޙައްޖުވެރިން ބަލާ އެއާޕޯޓަށް ވަޑައިގަންނަވާ ގާތްތިމާގެ މީހުންނާއި އެއާޕޯޓަށް ދަތުރުކުރާ އެއްގަމު އުޅަނދު ދުއްވާ ފަރާތްތަކުން ފުލުހުންގެ އިރުޝާދުތަކާ އެއްގޮތަށް އަމަލުކުރެއްވުމަށް އެދެން. pic.twitter.com/EWxjbZrWOX
— Maldives Police (@PoliceMv) June 12, 2025
ހައްޖުވެރިން މައްކާއަށް ފުރާ ދުވަސްތަކާއި ހައްޖުވެރިން އަނބުރާ މާލެ އަންނަ ދުވަސްތަކަކީ އާންމުގޮތެއްގައި އެއާރޕޯޓު ވަރަށް ބާރުބޮޑުވާ ދުވަސްތަކެކެވެ. އެގޮތުން ޓެކްސީ ކިއުއަށް ބާރުބޮޑުވެ، ޓެކްސީތަކަށް އެއާރޕޯޓަށް ވަދެނިކުމެ ހަދަން ގިނަ ވަގުތު ވެސް ހޭދަވެއެވެ.
ރާއްޖެއިން ހައްޖަށް ދިޔަ ފުރަތަމަ ގްރޫޕް އިއްޔެ އައިސްފައިވާއިރު، ދެވަނަ ގްރޫޕް އައުމަށް ހަމަޖެހިފައިވަނީ މިއަދެވެ. އަދި މި މަހުގެ 16 ވަނަ ދުވަހު ތިންވަނަ ގްރޫޕު އައުމަށް ހަމަޖެހިފައިވާއިރު، އެންމެ ފަހު ގްރޫޕު އަންނާނީ 17 ވަނަ ދުވަހެވެ.
