ފުވައްމުލަކުގައި ހިނގި މާރާމާރީއެއްގައި 18 އަހަރުގެ ޒުވާނަކަށް އަނިޔާވެއްޖެ

ފުވައްމުލަކު ސިޓީގައި މީހެއްގެ ގައިގައި ޖަހައި މާރާމާރީ ހިންގި މައްސަލައެއް ރޭ 20:54 ގައި ފުލުހުންނަށް ވަނީ ރިޕޯޓުކޮށްފައެވެ.

މި މާރާމާރީގައި އަނިޔާވެފައިވަނީ 18 އަހަރުގެ ދިވެހި ފިރިހެނެކެވެ. އޭނާއަށް ލިބިފައިވާ އަނިޔާތަކުގެ ތެރޭގައި ބޭރުފުށުން ފެންނަން ހުރި އަނިޔާގެ ތެރޭގައި ނޭފަތާއި އަނގަމަތި ފަޅައިގެން ގޮސް، ކަނާތު ކޮއްމަތި ދުޅަވެ އިތުރު ކުދި އަނިޔާތައް ވެފައިވާކަމަށް މަޢުލޫމާތު ލިބެއެވެ.

އިތުރު ފަރުވާ ހޯދުމަށްޓަކައި އަނިޔާ ލިބުނު ފަރާތް މިހާރު ވަނީ އައްޑޫ ސިޓީއަށް ގެންގޮސްފައެވެ.

މި މައްސަލައިގެ ތަޙުޤީޤު ފުލުހުން ގެންދަނީ ކުރިއަށެވެ. މި މައްސަލައާ ގުޅިގެން އަދި އެއްވެސް ފަރާތެއް ހައްޔަރުކޮށްފައިވާކަން އަދި އެނގިފައެއް ނުވެއެވެ.