ދިވެހި ޙާޖީން މިރޭ މިނާއަށް ދަތުރު ފަށާނެ: ވަޒީރު ޝަހީމް

ދިވެހިރާއްޖޭގެ ޙައްޖުވެރިން މިނާއަށް ދިއުމަށް މިރޭ ދަތުރު ފަށާނެކަމަށް އިސްލާމީ ކަންތައްތަކާއި ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

ވަޒީރު ޝަހީމް ވިދާޅުވެފައިވާގޮތުގައި، މިވަގުތު އެންމެހައި ޙައްޖުވެރިންގެ ޙާލު ވަރަށް ރަނގަޅެވެ. އަދި ޙާޖީންނަށް މިނާގައި ހޭދަކުރާ ދުވަސްތަކުގައި ބޭނުންވާ އެންމެހައި ޚިދުމަތްތައް ފޯރުކޮށްދިނުމަށް ތައްޔާރުވެފައިވާ ކަމަށްވެސް ވަޒީރު ވިދާޅުވިއެވެ.

ޙައްޖު ކޯޕަރޭޝަނުން މިނާގައި ދިވެހި ޙައްޖުވެރިންނަށް ޚާއްޞަކޮށް ވަނީ ފުރިހަމަ އިންތިޒާމުތަކެއް ހަމަޖައްސާފައެވެ. މީގެ ތެރޭގައި ރައްކާތެރި ހިޔާވަހިކަމާއި، ކެއުމުގެ އިންތިޒާމުތަކާއި، ސިއްޙީ ޚިދުމަތްތައް ހިމެނެއެވެ.

މިނާގައި ހޭދަކުރާ މުއްދަތުގައި ޙައްޖުވެރިންނަށް ބޭނުންވާ އިރުޝާދުތައް ދިނުމަށް ދިވެހި ޙައްޖު މިޝަނުގެ އިރުޝާދު ދޭ ޓީމުތައް ވެސް ވަނީ ތައްޔާރުވެފައެވެ. އަދި ޙައްޖުވެރިންގެ ސަލާމަތާއި ރައްކާތެރިކަމަށް އިސްކަންދީގެން ޚާއްޞަ އިންތިޒާމުތަކެއް ވެސް ވަނީ ހަމަޖައްސާފައެވެ.

މީގެއިތުރުން، ދިވެހި ޙައްޖު މިޝަނުގެ މެޑިކަލް ޓީމުން ޙައްޖުވެރިންގެ ސިއްޙީ ޙާލަތު ގަވާއިދުން ބަލަމުންދާކަމަށާއި، އެއްވެސް ކުއްލި ޙާލަތެއް ދިމާވެއްޖެނަމަ އެކަމަށް އަވަސް ފިޔަވަޅު އެޅޭނެ އިންތިޒާމު ވަނީ ހަމަޖެހިފައެވެ. އަދި ޙައްޖުވެރިންނަށް ބޭނުންވާ ބޭސްފަރުވާގެ ޚިދުމަތްތައް ވެސް 24 ގަޑިއިރު ލިބޭނެ އިންތިޒާމު ވަނީ ހަމަޖެހިފައެވެ.

ޙައްޖު މިޝަނުގެ އިސްވެރިން ވިދާޅުވާ ގޮތުގައި، މިއަހަރުގެ ޙައްޖު މޫސުމުގައި ދިވެހި ޙައްޖުވެރިންނަށް ވީހާވެސް ފަސޭހަ އަދި އަރާމު މާޙައުލެއް ޤާއިމުކޮށްދިނުމަށް ޚާއްޞަ ސަމާލުކަމެއް ދެވިފައިވެއެވެ. އަދި ޙައްޖުވެރިންނަށް ދިމާވާ ކޮންމެ ކަމެއްގައި އެހީތެރިވުމަށް ޙައްޖު މިޝަނުގެ މުވައްޒަފުން 24 ގަޑިއިރު ތިބޭނެކަން ވެސް އެ ފަރާތުން ފާހަގަކުރައްވައެވެ.