އދ. ގެ ޖެނެރަލް އެސެމްބްލީގެ 80 ވަނަ ދައުރުގެ ނައިބު ރައީސްކަމަށް ދިވެހިރާއްޖެ އިންތިޚާބުވެއްޖެ

އެކުވެރި ދައުލަތްތަކުގެ ޖަމްޢިއްޔާ (އދ.) ގެ ޖެނެރަލް އެސެމްބްލީގެ 80 ވަނަ ދައުރުގެ ނައިބު ރައީސްކަމަށް ދިވެހިރާއްޖެ އިންތިޚާބުވެއްޖެއެވެ. 

މިކަން ފާހަގަކުރައްވައި ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވަނީ އެކްސްގައި ޕޯސްޓެއް ކުރައްވައިފައެވެ. 

ރައީސް މުޢިއްޒުގެ ޕޯސްޓުގައި ވިދާޅުވެފައިވަނީ އދ. ގެ ޖެނެރަލް އެސެމްބްލީގެ 80 ވަނަ ދައުރު ކާމިޔާބު ކުރުމަށްޓަކައި ރާއްޖެއިން އެހެން ބައިވެރިންނާއި ގާތުން މަސައްކަތް ކުރުމަށް ބޭނުންވާކަމަށެވެ. އަދި އދ. ގެ މެމްބަރުކަމުގެ 60 އަހަރު ފާހަގަކުރާއިރު، ޖަމާޢަތުގެ ނިޒާމު ހަރުދަނާކުރުމަށް ރާއްޖެއިން ދެމިތިބޭނެ ކަމަށްވެސް ރައީސް ވިދާޅުވިއެވެ.

Maldives has been elected as one of the Vice Presidents of the 80th Session of the United Nations General Assembly, which begins in September 2025.

We look forward to working closely with our partners to ensure that the 80th session of the @UN General Assembly is a success. We…

— Dr Mohamed Muizzu (@MMuizzu) June 2, 2025

މިއާއެކު އދ. ގެ ޖެނެރަލް އެސެމްބްލީގެ މުހިންމު މަޤާމެއް ދިވެހިރާއްޖެއަށް ލިބިގެން ދިޔުމަކީ، ބައިނަލްއަޤްވާމީ މައިދާނުގައި ދިވެހިރާއްޖޭގެ ހައިސިއްޔަތު އިތުރަށް ފުޅާވެގެންދާނެ ކަމެކެވެ. އަދި މިއީ ދިވެހިރާއްޖެއަށް ލިބުނު ވަރަށް މުހިންމު ކުރިއެރުމެކެވެ.

ފާހަގަކޮށްލަންޖެހޭ ގޮތުގައި، މި އަހަރަކީ ދިވެހިރާއްޖެ އދ. ގެ މެންބަރުކަން ހާސިލުކުރިތާ 60 އަހަރު ފުރޭ އަހަރެވެ. މި މުހިންމު މަޤާމު ލިބުމާއެކު، ދިވެހިރާއްޖެއަށް ލިބިގެންދާނީ ބައިނަލްއަޤްވާމީ މައިދާނުގައި އިތުރު ބާރަކާއި ނުފޫޒެކެވެ.