މާލެއިން ދެކުނަށް ހުދު ސަމާލު ނެރެފި

ކ. އަތޮޅު ފެށިގެން އައްޑު އަތޮޅާ ހިސާބަށް ހުދު ސަމާލު ނެރެފިއެވެ. 

މޯލްޑިވްސް މީޓިއޮރޮލޮޖިކަލް ސެންޓަރުން  ހާމަކޮށްފައިވާ ގޮތުގައި، މިއަދުގެ ހެނދުނު 9:15 އިން ފެށިގެން މެންދުރުފަހު 3:00 އާ ހަމައަށް އެ އަތޮޅުތަކަށް ވައިގަދަވެ ކަނޑުގަދަވާނެއެވެ. 

އަދި ބޯކޮށް ވާރޭ ވެހުމާއެކު ގުގުރުމާއި، ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ލަފާކޮށްފައިވެއެވެ.

Alert white for heavy rain and thunderstorms with gusts of 45 mph. pic.twitter.com/yMnPMx6PWK

— Maldives Meteorology (@MetMaldives) June 2, 2025

މި ސަރަޙައްދުތަކަށް ނޫނަސް، މުޅި ރާއްޖެއަށް އާދައިގެ ވަރަކަށް ކަނޑު ގަދަވެފައި، ވިލާގަނޑުގައި ގަދަވާނެކަމަށް މެޓު އޮފީހުން ވަނީ ރޭ ހާމަކޮށްފައެވެ.

ރާއްޖެއަށް މިހާރު މިކުރާ ވިއްސާރައަކީ، ހުޅަނގު މޫސުމުގެ ވިއްސާރަކަމަށް މޫސުމާބެހޭ ޤައުމީ އިދާރާއިން ވިދާޅުވެއެވެ. އަދި މިހާރު މިކުރާ ވިއްސާރަ ހޯމަ ދުވަހުން ފެށިގެން އަލިކުރާނެ ކަމަށް ލަފާކުރެވޭ ކަމަށާއި، ހުރިހާ ފަރާތްތަކުން ވެސް މޫސުމަށް ސަމާލުވުމަށް މޫސުމާބެހޭ ޤައުމީ އިދާރާއިން ވަނީ އިލްތިމާސްކުރައްވާފައެވެ.