ދިވެހީންގެ ތެދުވެރިކަމުން ފުން އިޙުސާސްތަކެއް ކުރުވި: ޗައިނާ އެމްބަސަޑަރު

އެކުވެރި ދިވެހީންގެ ތެދުވެރިކަމުން ފުން އިޙުސާސްތަކެއް ރޭ ކުރުވިކަމަށް، ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު، ކޮންގް ޒަންހުއާ ވިދާޅުވެއްޖެއެވެ.

"އެކްސް"ގައި ކުރެއްވެވި ޕޯސްޓެއްގައި ސަފީރު މިހެން ވިދާޅުވީ، ޗައިނާގެ ޒުވާން އަންހެން ކުއްޖެއްގެ ވޮލެޓެއް ގެއްލުނު ހާދިސާއަކާ ގުޅިގެންނެވެ. އޭނާގެ ވޮލެޓު ވެއްޓުނީ އާރު.ޓީ.އެލް. ބަހެއްގެ ތެރެއަށެވެ. އަދި ބަސް ކޮންޑަކްޓަރަށް ފެނުމުން، އެ ވޮލެޓު ވެއްޓުނުތާ މާގިނައިރެއްނުވެ އޭނާއާ ހަވާލުކޮށްފައިވާކަމަށް އެމްބަސެޑަރު ވަނީ ވިދާޅުވެފައެވެ.

އަދި މިކަމުން ރަމްޒުކޮށްދެނީ އެކުވެރި ދިވެހީންގެ ތެދުވެރިކަންކަމަށް ވެސް އޭނާ ވިދާޅުވިއެވެ.

އެމްބެސެޑަރުގެ މި ޕޯސްޓުގައި ހިމަނާފައި ވަނީ ހުޅުމާލޭ ދުވާ ޓްރެކުގައި ހިނގާފައި ދިޔަ ބުޅަލެއްގެ ފޮޓޯއަކާއެކުއެވެ. މިކަމަށް އިޝާރާތް ކުރައްވައި އެމްބެސެޑަރު ވިދާޅުވީ، ރޭ ވިއްސާރަ ވެހުނު ގަޑީގައި ދުވެލަން ދިޔަ ކަމަށެވެ. 

Good night, Maldives!
Today, a young Chinese lady left her wallet on the bus, which was picked up by the conductor and returned to her shortly after.
Deeply touched by the honesty of Maldivian friends, many thanks!
BTW, I did run in the rain tonight. Cool, literally. pic.twitter.com/CsOyvpFezv

— Ambassador Kong Xianhua (@China_Amb_Mdv) June 1, 2025

އެމްބެސެޑަރުގެ މި ޕޯސްޓާ ގުޅިގެން ބަސް އޮޕަރޭޓުކުރާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ހާމަކުރި ގޮތުގައި، ބަހުގެ ތެރޭގައި ހިނގާ ކަންކަމުގައި އެހީތެރިވެދިނުމަކީ އެ ކުންފުނީގެ ޒިންމާއެކެވެ. އެހެންކަމުން އެކަމުގައި ޗައިނާގެ ޒުވާނާއަށް އެހީތެރިވެދިނުމަކީ ލިބުނު އުފަލެއްކަން ފާހަގަކުރިއެވެ.