ޚަބަރު
ޙައްޖު ދުވަހާއި ޢީދު ދުވަހާއި ގުޅިގެން އިތުރުދުވަހެއް ބަންދު ނުވާނެ: ހީނާ
ޢީދަށް މާލެ ދިއްލާލުމުގެ ތެރެއިން. ފޮޓޯ: އެޗްޑީސީ
ޙައްޖު ދުވަހާއި ޢީދު ދުވަހާއި ގުޅިގެން އިތުރުދުވަހެއް ބަންދު ނުވާނެ ކަމަށް ރައީސް އޮފީހުގެ އިސްތަރުޖަމާނު ހީނާ ވަލީދު ވިދާޅުވެއްެޖެއެވެ.
ހީނާ ވަނީ މިކަމާއިގުޅުގެން އެކްސްގައި ޕޯސްޓެއް ކުރައްވަައިފައެވެ. “މިއަހަރުގެ ޙަައްޖު ދުވަސް ދިމާވަނީ، 5 ޖޫން ވާ ބުރާސްފަތި ދުވަހާ ކަމުގައި ސަޢޫދީޢަރަބިއްޔާއިން ކަނޑައެޅުއްވުމާ ގުޅިގެން ދަންނަން، ޙައްޖު ދުވަހާއި އަޟްޙާ ޢީދާ ގުޅިގެން ބަންދުވާނީ، މިހާރުވެސް ކަލަންޑަރުގައި ބަންދު ކަމަށް ކަނޑައަޅާފައިވާ ދުވަސްތައް” ހީނާ ވިދާޅުވެފައިވެއެވެ.
މިއަހަރުގެ ޙަައްޖު ދުވަސް ދިމާވަނީ، 5 ޖޫން ވާ ބުރާސްފަތި ދުވަހާ ކަމުގައި ސަޢޫދީޢަރަބިއްޔާއިން ކަނޑައެޅުއްވުމާ ގުޅިގެން ދަންނަވަމެވެ. ޙައްޖު ދުވަހާއި އަޟްޙާ ޢީދާ ގުޅިގެން ބަންދުވާނީ، މިހާރުވެސް ކަލަންޑަރުގައި ބަންދު ކަމަށް ކަނޑައަޅާފައިވާ ދުވަސްތަކެވެ.
— Heena Waleed (@MvSpokesperson) May 28, 2025
ޙައްޖުދުވަހާއި އަޟްޙާ ޢީދާއި ގުޅިގެން ބަންދުވާނެ ކަމަށް ކަލަންޑަރުގައި ބަޔާންކޮށްފައިވާ ދުވަސްތަކަކީ 5 ޖޫން 2025 އިން ފެށިގެން 9 ޖޫން 2025 އާއި ހަަމައަށެވެ.
