ދިވެހި ފުޓްބޯޅަ ވަނީ މުޅި ޤައުމު އެއްބައިވަންތަކޮށްދީ، ޤައުމު ފަޚުރުވެރިވާނެ އެތައް ހުނަރުވެރިއެއް އުފައްދައިދީފައި: ރައީސް މުޢިއްޒު

ދިވެހި ފުޓުބޯޅަ ވަނީ މުޅި ޤައުމު އެއްބައިވަންތަ ކޮށްދީފައި ކަމަށާއި ޤައުމު ފަޚުރުވެރިވާނެ އެތައް ހުނަރުވެރިއެއް އުފައްދައިދީފައިކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެެެއްޖެއެވެ. 

ރައީސް މުޢިއްޒު މިހެން ވިދާޅުވީ ދުނިޔޭގެ ފުޓުބޯޅައިގެ ދުވަހުގެ މުނާސަބަތުގައި އެކްސްގައި ކުރެއްވެވި ޕޯސްޓެއްގައެވެ. 

ދިވެހި ފުޓްބޯޅަ ވަނީ މުޅި ޤައުމު އެއްބައިވަންތަ ކޮށްދީފައި. ޤައުމު ފަޚުރުވެރިވާނެ އެތައް ހުނަރުވެރިއެއް އުފައްދައިދީފައި. ރާއްޖޭގެ ކުދިބޮޑު ހުރިހާ ރަށްރަށެއްގައި އިޖްތިމާޢީ ރޫޙު އާލާކޮށްދީފައި. ދިވެހީންގެ މެދުގައި ފުޓްބޯޅައަށް ހައްގު މަގާމު އަލުން އަނބުރައި ހޯދަައިދިނުމަށް… pic.twitter.com/zj4LfPIzFJ

— Dr Mohamed Muizzu (@MMuizzu) May 25, 2025

ރައީސް ވިދާޅުވީ ދިވެހި ފުޓްބޯޅަ ވަނީ މުޅި ޤައުމު އެއްބައިވަންތަ ކޮށްދީފައި ކަމަށާއި ޤައުމު ފަޚުރުވެރިވާނެ އެތައް ހުނަރުވެރިއެއް އުފައްދައިދީފައި ކަމަށެވެ.

މީގެއިތިުރުން ރައީސް ވިދާޅުވީ ފުޓުބޯޅާވަނީ ރާއްޖޭގެ ކުދިބޮޑު ހުރިހާ ރަށްރަށެއްގައި އިޖްތިމާޢީ ރޫޙު އާލާކޮށްދީފައި ކަމަށެވެ.

ދިވެހީންގެ މެދުގައި ފުޓްބޯޅައަށް ހައްގު މަގާމު އަލުން އަނބުރައި ހޯދަައިދިނުމަށް ސަރުކާރުން ކުރާ މަސައްކަތް ދަނީ ކާމިޔާބީގެ އަމާޒަށް ދަތުރުކުރަމުން

ރައީސް ޑރ މުއިއްޒު ވިދާޅުވިއެވެ.

ކޮންމެ އަހަރެއްގެ މެއި 25 ވަނަ ދުވަހަކީ ދުނިޔޭގެ ފުޓްބޯޅަ ދުވަހެވެ. މި ދުވަސް ފާހަގަކުރެވެނީ ފުޓްބޯޅައަކީ ދުނިޔޭގެ ހުރިހާ ކަންކޮޅުތަކަށް ފެތުރިފައިވާ ކުޅިވަރެއްކަމާއި، ވިޔަފާރި، ސުލްހަ އަދި ޑިޕްލޮމަސީ ފަދަ ދާއިރާތަކަށް މި ކުޅިވަރުން ކުރާ އަސަރު ފާހަގަކުރުމަށެވެ. މި ދުވަސް ފާހަގަކުރުމުގެ މަޤްޞަދަކީ އެއްބާރުލުން ދިނުމުގެ ޖާގައެއް އުފެއްދުމެވެ.

2024 ވަނަ އަހަރަކީ ދުނިޔޭގެ ހުރިހާ ސަރަޙައްދެއްގެ ބައިވެރިވުން އޮވެގެން ބޭއްވުނު ފުރަތަމަ ބައިނަލްއަޤްވާމީ ފުޓްބޯޅަ މުބާރާތް ބޭއްވުނުތާ 100 އަހަރު ފުރުނު އަހަރެވެ. އެ މުބާރާތް ބޭއްވުނީ 1924 ވަނަ އަހަރުގެ މެއި 25 ވަނަ ދުވަހު ޕެރިހުގައި ބޭއްވުނު ސަމަރ އޮލިމްޕިކް ގޭމްސްގައެވެ.