ޚަބަރު
މޫސުން ގޯސްވާނެކަމަށް ލަފާކޮށް ފ. އަތޮޅުން ފުވައްމުލަކަށް ހުދު ސަމާލު ނެރެފި
މާލެއަށް ވިއްސާރަކުރި ދުވަހެއްގައި. ފޮޓޯ: މިހާރު
މޫސުން ގޯސްވާނެ ކަމަށް ލަފާކޮށް ފ. އަތޮޅުން ފުވައްމުލަކަށް ހުދު ސަމާލުނެރެފިއެވެ.
މޫސުމާއި ބެހޭ ޤައުމީ އިދާރާއިން ބުނެފައިވަނީ މިރޭގެ 18:30 އިން 00:30 އަށް ފ.އަތޮޅުން ފުވައްމުލަކަށް ބޯކޮށް ވާރޭވެހުމާއިއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަަމަށް ލަފާކުރެވޭކަމަށެވެ.
White Alert issued from Faafu Atoll to Fuvahmulah City pic.twitter.com/tqHw7xQQwS
— Maldives Meteorology (@MetMaldives) May 7, 2025
މިއަދު ހއ. އަތޮޅުން ފ. އަތޮޅަށް ވެސް ހުދު ސަމާލު ނެރެފައިވެއެވެ. މެންދުރު 11:30ން ހަވީރު 17:00 އަށް ނެރުނު ހުދު ސަމާލުގައި ބުނެފައިވަނީ ބޯކޮށް ވާރޭވެހުމާއި އެކު ގުގުރާނެ ކަމަށާއި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ ކަމަށް ބުނެފައިވެއެވެ.
މިމަހުގެ 5ވަނަ ދުވަހު މެޓް އޮފީހުން ބުނެފައިވަނީ ކުރިއަށް އޮތް 3 ދުވަހު ރާއްޖޭގެ އެކި ކަންކޮޅުތަކަށް މޫސުން ގޯސްވާނެ ކަމަށެވެ.
