ސައިކަލެއް ވަގަށް ނަގައިގެން ދުއްވި ދެމީހަކު ފުލުހުން ހައްޔަރުކޮށްފި

ސައިކަލެއް ވަގަށް ނަގައިގެނއް ދުއްވި މީހަކު ހުޅުމާލެ ފުރަތަމަ ފިޔަވަހިން ހައްޔަރުކޮށްފިއެވެ. 

ފުލުހުން ބުނެފައިވަނީ މި މައްސަލައާ ގުޅިގެން ހައްޔަރުކޮށްފައިވަނީ، ލ.މާވަށް / ގްލޯރީ، އުމުރުން 30 އަހަރުގެ އަހުމަދު ވިސާން އާއި ގދ.ގައްދޫ/ ބުލާޝަމްއާގެ، އުމުރުން 48 އަހަރުގެ މުޙައްމަދު ޢަޠީފްކަމަށެވެ.

ދިވެހި ފުލުހުންގެ ޚިދުމަތުން ބުނީ، މި ދެ މީހުން ހައްޔަރުކޮށްފައިވަނީ ރޭ ފަތިހު ފުލުހުން ޕެޓްރޯލް ކުރަމުން ދިޔައިރު، ފުލުހުން ފެނުމުން އެމީހުންގެ ޢަމަލުތައް ހުރިގޮތުން ހުއްޓުވައި ބަލައި ފާސްކުރުމުގެތެރޭގައިކަމަށެވެ.ހުޅުމާލެ ދިއްގާމަގު، ބީޗް ކުލަބު ކައިރިން ސައިކަލެއްގައި ދަނިކޮށް އެ މީހުން ހުއްޓުވައި ބަލައި ފާސްކުރިއިރު އެސައިކަލަކީ ވަގަށް ނަގައިގެން ދުއްވަމުން ދިޔަ ސައިކަލެއްކަން ތުހުމަތުކުރެވިފައިވާކަމަށް ދިވެހި ފުލުހުންގެ ޚިދުމަތުން ބުނެއެވެ.

މި މައްސަލ ައިތުރަށް ތަހުޤީޤު ކުރަމުންދާ ކަމަށް ފުލުހުން ބުނެއެވެ.