ޚަބަރު
މިރޭ މާލޭގައި ހަވާއަރުވަނީ
މާލޭގައި ހަވާއެރުވި ރެއެއްގައި އާންމުން އެމަންޒަރުތައް ބަލަންއެއްވެފައިޮ. ފޮޓޯ: ދަ އެޑިޝަން
މިރޭ މާލޭގައި ހަވާއަރުވަން ހަމަޖެހިފައިވާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނެފައިވަނީ ހަވާ އެރުވުމަށް ހަމަޖެހިފައިވަނީ، އުސްފަސްގަނޑު ދިމާ ބޭރު ސަރަޙައްދުގައި ކަމަށެވެ. އެގޮތުން މިރޭ 23:30 އިން ފެށިގެން 3 މިނެޓުގެ ވަގުތަކަށް ހަވާއެރުވުން ކުރިއަށްދާނެކަމަށް އެމް.އެން.ޑީ.އެފުން ބުނެއެވެ.
އެމްއެންޑީއެފުން ބުނީ މިރޭ ހަވާއަރުވަނީ އަމިއްލަ ފަރާތަކުން ބާއްވާ ހަރަކާތަކާއި ގުޅިގެން ކުރިއަށްގެންކަމަށެވެ.
ޤައުމީ ދިފާޢީ ބާރުން މީގެ ކުރިންވެސް އަމިއްލަ ފަރާތްތަކުން ބާއްވާ ތަފާތު ޙަފްލާތަކުގައި މާލެއާއި އަދި ބައެއް ރަށްރަށުގައިވެސް ހަވާ އަރުވައިދީފައިވެއެވެ.
