ޚަބަރު
މުޒާހަރާގައި ހައްޔަރުކުރި ޒުވާނުންނާއި ގުޅުވައި ޔާސްމީންގެ ސްކްރީން ޝޮޓެއްކަމަށް ބުނެ ދައުރުކުރަނީ ފޭކެއް
ޢާއިޝަތު ޢާޒިމާ ޝުކޫރު.
ރޭ ޒުވާނުން ކުރަމުންދިޔަ މުޒާހަރާގައި ހައްޔަރުކުރި ޒުވާނުންނާއި ގުޅުވައި ރައީސް ޑރ މުޢިއްޒުގެ ދަރިކަނބަލުން ޔާސްމީން މުޢިއްޒުގެ ސްކްރީން ޝޮޓެއްކަމަށް ބުނެ ދައުރުކުރަމުންދަނީ ފޭކެއް ކަމަށް ޤާނޫނީ ވަކީލާ ޢާއިޝަތު ޢާޒިމާ ޝުކޫރު ވިދާޅުވެއްޖެއެވެ.
ޢާޒިމާ ވިދާޅުވީ ރޭ މުޒާހަރާ ކުރި މީހާކު ހައްޔަރުކުރުމާއި ގުޅިގެން ޔާސްމީން ހިއްސާކުރި އިންސްޓަގްރާމް ސްޓޯރީއެއް ކަމަށްބުނެ ދައުރުކުރަމުންދަނީ ފޭކެއް ކަމަށެވެ.
މިފަދަ ވާހަކަތަކަކީ ހަޤީޤަތާއި ޚިލާފުި އަދި އަސްލު އޮޅިގެންދާނެ ފަދަ ކަންކަން ކަމަށްވުމުން މިފަދަ ވާހަކަތައް ނުފެތުރުމަށް އާއިލާއިން އެދޭކަމަށްވެސް ޢާޒިމާ ވިދާޅުވެފައިވެއެވެ.
The circulating screenshot, purporting to be from Yasmine Mohamed Muizzu’s Instagram regarding a protestor's arrest last night, is fake. The Family requests those involved to stop spreading false information and misleading the public.
— AzimaShakoor (@aminadhis) May 2, 2025
ރައީސް މުޢިއްޒުގެ ދޮށީ ދަރިކަލުންނާއި ގުޅިގެން އިދިކޮޅު ޕާޓީގެ މުޒާހަރާއެއްގެ ތެރޭގައި އެޕާޓީގެ އެކްޓިވިސްޓަކު ދެއްކި ވާހަކަ ތަކަކާއި ގުޅިގެން މިހާރުވެސް ކޯޓުގައި މައްސަލައެއް ކުރިއަށް އެބަދެއެވެ.
