ކުނި މެނޭޖް ކުރުމުގެ ތަމްރީނު ހޯދުމަށް 13 ރަށެއްގެ މުވައްޒިފުން އިންޑިއާއަށް

ކުނި މެނޭޖް ކުރުމުގެ ތަމްރީނު ހޯދުމަށް ރާއްޖޭގެ 13 ރަށެއްގެ 14 ކައުންސިލް މުވައްޒަފަކު އިންޑިއާއަށް ފުރައިފިއެވެ. 

މިއީ ޒޯން 2، 4 އަދި 5 ގެ ރަށްތަކުން ބައިވެރިވާ މުވައްޒަފުންނެވެ.

މިއީ 4 ދުވަހުގެ ޕްރޮގްރާމެެއް ކަމަށް ތިމާވެއްޓާއި ފަތުރުވެރިކަމާއި ބެހޭ ވުޒާރާއިން ބުނެއެވެ.

މިގޮތުން މިއަދުން ފެށިގެން މެއި ދޭއްގެ ނިޔަަލަށް މި ޕްރޮގްރާމް ކުރިއަށް ގެންދަނީ އިންޑިއާގެ އައިސީޑަބްލިއުއެމްއާރު، ޓީއީއާރްއައި ސްކޫލް އޮފް އެޑްވާންސްޑް ސްޓަޑީޒްގައެވެ.

މި ތަމްރީނުން ބައިވެރިންގެ ކުނި މެނޭޖްކުރުމުގެ ހުނަރު އިތުރުވެ، އެ ފަރާތްތަކުގެ ރަށްތަކުގައި ތިމާވެއްޓާއި ރައްޓެހި ގޮތެއްގައި ކުނި މެނޭޖްކުރުމަށް މަގުފަހިވެގެންދާނެއެވެ.

މި ތަމްރީނު ޕްރޮގްރާމަކީ ރާއްޖޭގެ ރަށްތަކުގައި ކުނި މެނޭޖްކުރުމުގެ ނިޒާމު ހަރުދަނާކޮށް، ދެމެހެއްޓެނިވި ގޮތެއްގައި ތިމާވެށި ހިމާޔަތްކުރުމަށް އެޅޭ މުހިންމު ފިޔަވަޅެއް ކަމަށް އެ ވުޒާރާއިން ބުނެފައިވެއެވެ.