އެސްއެސްސީ އަދި އޯލެވެލް އިމްތިޙާނުގައި ބައިވެރިވާ ކުދިންނަށް ރައީސްގެ ހެޔޮއެދުން ފޮނުއްވައިފި

އެސްއެސްސީ އަދި އޯލެވެލް އިމްތިޙާނުގައި ބައިވެރިވާ ކުދިންނަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ހެޔޮއެދުން ފޮނުއްވައިފިއެވެ.

އެކްސްގައި ރައީސް މުއިއްޒު ކުރެއްވެވި ޕޯސްޓެއްގައި ވިދާޅުވެފައިވަނީ މިއަހަރުގެ އެސްއެސްސީ އަދި އޯލެވެލް އިމްތިޙާނަށް ތައްޔާރުވުމަށް ހުރިހާ ދަރިވަރުން ކުރި ބުރަ މަސައްކަތުގައިވެސް މާތްﷲ ބަރަކާތް ލެއްވުން އެދި ދުޢާ ކުރައްވާ ކަމަށެވެ.

“އަޅުގަނޑު އެދެނީ އެސްއެސްސީ އަދި އޯލެވެލްގައި ރާއްޖެއިން ބައިވެރިވި 8364 ދަރިވަރުންނަށްވެސް ހިތްހަމަޖެހޭ ފާގަތި ދުވަސްތަކަކަށް އިމްތިޙާނުގެ މުއްދަތު ވުން. ތޫނުފިލިކަމާއެކު ފަސޭހައިން ސުވާލުތަކަށް ޖަވާބުދެވުން. ބެލެނިވެރީންނާއި ސްކޫލްތަކުން އުންމީދުކުރާ ފަދަ ރަނގަޅު ނަތީޖާއެއް ޙާޞިލްވުން” ރައީސް ޑރ މުޙައްމަދު މުޢިއްޒު ވިދާޅުވެފައިވެއެވެ.

މިއަހަރުގެ އެސް.އެސް.ސީ އަދި އޯލެވެލް އިމްތިޙާނަށް ތައްޔާރުވުމަށް ހުރިހާ ދަރިވަރުން ކުރި ބުރަ މަސައްކަތުގައިވެސް މާތްﷲ ބަރަކާތް ލެއްވުން އެދި ދުޢާ ކުރަން.

އަޅުގަނޑު އެދެނީ އެސް.އެސް ސީ އަދި އޯލެވެލްގައި ރާއްޖެއިން ބައިވެރިވި 8364 ދަރިވަރުންނަށްވެސް ހިތްހަމަޖެހޭ ފާގަތި… pic.twitter.com/SrINLCIFLA

— Dr Mohamed Muizzu (@MMuizzu) April 20, 2025

ރައީސް މުޢިއްޒު އިތުރަށް ވިދާޅުވީ އިރާދަކުރެއްވިއްޔާ މިއިން ކޮންމެ ކުއްޖަކުވެސް މި އިމްތިޙާނުގައި ކާމިޔާބީ ހޯދާ، މި ޤައުމު ފަޚުރުވެރިވާނެ ޚިދުމަތްތެރި ދަރިއަކަށް ވާނެ ކަމަށެވެ.