ޚަބަރު
އައިޑީކާޑު ޕްރިންޓުކޮށް ދޫކުރުމުގެ ޚިދުމަތް ށ. އަތޮޅު ކައުންސިލުން ފަށައިފި
ށ.އަތޮޅު ކައުންސިލުން އައިޑީ ކާޑު ޕްރިންޓުކޮށް ދޫކުރަން ފެށުން. ފޮޓޯ: ށ.އަތޮޅު ކައުންސިލް
ހުލާސާ
ދިވެހި ރައްޔިތެއްކަން އަންގައިދޭ ކާޑު ޕްރިންޓުކޮށް ދޫކުރުމުގެ ޚިދުމަތް ށ. އަތޮޅު ކައުންސިލުން ފަށައިފިއެވެ.
ރާއްޖޭގެ ކޮންމެ އަތޮޅެއްގެވެސް ވެރިކަން ކުރާ ރަށުން އައިޑީކާޑު ހެއްދުމުގެ ޚިދުމަތް ދިނުމަކީ މި ސަރުކާރުން ކުރަން ނިންމާފައިވާ ކަމެކެވެ. މި މަސައްކަތުގެ ދަށުން ށ. އަތޮޅުގެ ވެރިކަން ކުރާ ށ. ފުނަދޫގައި އެ ޚިދުމަތް މިހާރު ފަށައިފައިވާކަމަށް ޑިޕާޓްމެންޓް އޮފް ނޭޝަނަލް ރެޖިސްޓޭޝަން އިން ބުނެފައިވެއެވެ.
ށ. ފުނަދޫގައި މި ޚިދުމަތް ފެށުމާއި އެކު ރާއްޖޭގެ 17 ރަށަކުން މިހާރު އައިޑީކާޑު ޕްރިންޓުކޮށް ދޫކުރުމުގެ ޚިދުމަތް ލިބޭނެއެވެ. ޑީއެންއާރުން ބުނެފައިވަނީ މިއަންނަ ހަފްތާގެ ތެރޭގައި ށ. މިލަންދޫގައި ވެސް މި ޚިދުމަތް ފެށިގެން ދާނެކަމަށެވެ.
We are pleased to announce that ID card printing services have been extended to the Shaviyani Atoll Council. The Council will now manage the printing and distribution of ID cards for all islands within the Shaviyani Atoll. pic.twitter.com/eBvbZypcHI
— Department of National Registration (@dnrmaldives) April 16, 2025
އައިޑީކާޑު ޕްރިންޓްކޮށް ދޫކުރުމުގެ ޚިދުމަތް ރައްޔިތުންނާ ގާތުން ދިނުމުގެ މަސައްކަތް ފައްޓަވާފައިވަނީ މިދިޔަ އަހަރުގެ ނޮވެންބަރު މަހުގެ ތެރޭގައެވެ. އެންމެ ފުރަތަމަ މާލެ ސަރަޙައްދުން ބޭރުން މިޚިދުމަތް ޤާއިމުކޮށްފައިވަނީ ގއ. ވިލިނގިލީގައެވެ.
ރާއްޖޭގެ އަތޮޅުތަކުން މި ޚިދުމަތް ދިނުމުގެ އިތުރުން ދިވެހިން އާންމުކޮށް ދަތުރުކޮށް އުޅޭ ޤައުމުތަކުގައިވެސް މި ޚިދުމަތް ފެށުމުގެ މަސައްކަތް ޑީއެންއާރުން ދަނީ ކުރަމުންނެވެ. އެގޮތުން މެލޭޝިއާއާއި، ސްރީލަންކާއާއި، އިންޑިއާގެ އިތުރުން އިނގިރޭސިވިލާތުގައި މިޚިދުމަތް ފެށުމަށްދަނީ ތައްޔާރުވަމުންނެވެ.
