ފުލުހުންގެ ޚާއްޞަ ތަމްރީނު ހަރަކާތްތަކެއް މިއަދު ހުޅުމާލޭގައި

ފުލުހުންގެ ޚާއްޞަ ތަމްރީނު ހަރަކާތްތަކެއް މިއަދު ހުޅުމާލޭގައި ކުރިއަށް ގެެންދިޔުމަށް ހަމަޖެހިފައިވާކަމަށް ފުލުހުން ބުނެފިއެވެ.

ފުލުހުންގެ އެކްސް އެކައުންޓުގައި ކުރި ޕޯސްޓެއްގައި ބުނެފައިވާ ގޮތުގައި މި ހަރަކާތްތައް ކުރިއަށްދާނީ މިއަދު މެންދުރުފަހު 2:00 އިން ހަވީރު 5:00 އަށެވެ.

މި ހަރަކާތްތަކުގައި ބައިވެރިވާނީ ފުލުހުންގެ ސްޕެޝަލިސްޓް ރެސްޕޮންސް ޓީމުތައް ކަމަށްވެސް ފުލުހުން ބުނެފައިވެއެވެ.

މިއީ ފުލުހުންގެ އޮޕަރޭޝަނަލް ތައްޔާރީތައް އިތުރަށް ހަރުދަނާކޮށް، އެކި ފަރާތްތަކުގެ މެދުގައި ކޯޑިނޭޝަން ރަނގަޅުކުރުމަށް ކުރިއަށްގެންދާ މަސައްކަތްތަކުގެ ތެރެއިން ބާއްވާ ހަރަކާތެއް ކަމަށް ފުލުހުން ބުނެފައިވެއެވެ.

މި ކަން ކުރިއަށްދާ ވަގުތުގައި އާންމު ރައްޔިތުންގެ އެއްބާރުލުމާއި އެހީތެރިކަމަށް ފުލުހުން އެދިފައިވެއެވެ.

The Maldives Police Service will be conducting an operational training exercise today in Hulhumalé Phase 1, from 2:00 PM to 5:00 PM.

MPS specialist response teams will participate in this exercise as part of ongoing efforts to enhance operational readiness and coordination.
1/2

— Maldives Police (@PoliceMv) April 13, 2025

އަދި މި ވަގުތުތަކުގައި ފެންނަ ޙަރަކާތްތަކަކީ ރޭވިގެން ކުރިއަށްގެންދާ ތަމްރީނެއްގެ ބައެއް ކަމަށްވާތީ، އެކަމާ ކަންބޮޑުނުވުމަށް ވެސް އާންމުންނަށް އިލްތިމާސްކޮށްފައިވެއެވެ.

މި ހަރަކާތަކުގެ މަޤްޞަދަކީ ކުއްލި ޙާލަތްތަކުގައި އަޅަންޖެހޭ ފިޔަވަޅުތައް އަޅުމުގެ ޤާބިލުކަން އިތުރުކުރުން ކަމަށް ފުލުހުން ބުނެފައިވެއެވެ.