ޖީސީޓީޕީއާ ގުޅިގެން ރާއްޖެ މަސައްކަތްކުރުމަކީ ލިބޭ ފަޚުރެއް: ނައިބު ރައީސް

އުޒްބަކިސްތާނުގައި މިހާރު ކުރިއަށްދާ 150 ވަނަ އިންޓަރ ޕާލިމެންޓަރީ ޔޫނިއަން އެސެންބްލީގެ ތެރެއިން، ދުނިޔޭގެ ސަލާމަތާއި ހަމަޖެހުން ޤާއިމުކުރުމުގެ މަސައްކަތް ހަރުދަނާކުރުމަށް ގްލޯބަލް ކައުންސިލް ފޮރ ޓޮލަރެންސް އެންޑް ޕީސް (ޖީސީޓީޕީ) އާއި ނޮން-އެލައިންޑް މޫވްމެންޓް ޕާލިމެންޓަރީ ނެޓްވަރކް (އެންއޭއެމް) އާ ދެމެދު އެއްބަސްވުމެއް އެކުލަވާލައިފިއެވެ.

މި އެއްބަސްވުން އެކުލަވާލުމާ ގުޅިގެން ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ވަނީ ދެ ޖަމުޢިއްޔާއަށް ތަހުނިޔާ ވިދާޅުވެފައެވެ. ސޯޝަލް މީޑިޔާގައި ޙިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާގެ ނައިބު ވިދާޅުވެފައިވަނީ މި އެއްބަސްވުމާ ގުޅިގެން ބައިނަލްއަޤުވާމީ ގުޅުންތައް ބަދަހިކުރުމަށާއި ޑިޕްލޮމަސީގެ ރީތި އުޞޫލުތައް ކުރިއެރުވުމުގައި މުހިންމު ދައުރެއް އަދާކުރާނެ ކަމަށެވެ.

I extend my sincere congratulations to @gctpnews1 and @NAM_PNetwork on the signing of their MoU at the 150th IPU Assembly — a significant milestone in advancing parliamentary diplomacy and strengthening multilateral cooperation. I commend H.E. Ahmed bin Mohamed Al Jarwan,…

— Hussain Mohamed Latheef (@HucenSembe) April 8, 2025

"ޖީސީޓީޕީއާ ގުޅިގެން ރާއްޖެ މަސައްކަތްކުރުމަކީ ލިބޭ ފަޚުރެއް،" ރައީސުލްޖުމްހޫރިއްޔާގެ ނައިބު ވިދާޅުވިއެވެ.

ގްލޯބަލް ކައުންސިލް ފޮރ ޓޮލަރެންސް އެންޑް ޕީސް (ޖީސީޓީޕީ) އަކީ ބައިނަލްއަޤުވާމީ ގުޅުންތައް ބަދަހިކުރުމާއި، ދުނިޔޭގައި ހަމަޖެހުމާއި ސަލާމަތް ޤާއިމުކުރުމާއި، ވަކި ނަސްލަކަށްވީތީ ކުރާ ތަފާތުކުރުންތައް ނައްތާލުމަށް މަސައްކަތްކުރާ ބައިނަލްއަޤުވާމީ ޖަމުޢިއްޔާއެކެވެ.