މެރިން ރިސާރޗް އިންސްޓިޓިއުޓްގެ ޑީޖީ އަކަށް ޝިމާލް ހަމަޖައްސައިފި

މޯލްޑިވްސް މެރިން ރިސާރޗް އިންސްޓިޓިއުޓްގެ އައު  ޑިރެކްޓާރ ޖެނެރަލަކަށް މުޙައްމަދު ޝިމާލް ހަމަޖައްސައިފި އެވެ.

އެ އިންސްޓިޓިއުޓުން ސޯޝަލް މީޑިއާގައި ކުރި ޕޯސްޓެއްގައި ވަނީ ފާއިތުވީ ދިހަ އަހަރުދުވަހު ތެގޭގައި ދާއިރާއާއި އެ އިންސްޓިޓިއުޓް ކުރިއެރުމަށް ޝިމާލް ވަރަށް ގިނަ މަސައްކަތްތަކެއް ކުރައްވާފައިވާ ކަމަށެވެ.އެގޮތުން އެ އިދާރާގެ ރިސާރޗް ޕްރޮގްރާމްތައް ފުޅާކުރުމުގައި ޝިމާލް މުހިންމު ދައުރެއް އަދާކޮށްފައިވާ ކަމަށް ވިދާޅުވެފައިވެއެވެ. 

އެ އިދާރާގެ ޑިރެކްޓަރ ޖެނެރަލްގެ މަގާމު ހުސްވެފައި ވަނީ، މީގެ ކުރިން އެ މަގާމުގައި ހުންނެވި ޝަފިއްޔާ ނައީމް މިއަަހަަރުގެ ޖެނުއަަރީ މަހު މަގާމުން ވަކިވުމުންނެވެ. ޝަފިއްޔާވަނީ މަގާމުން ވަކިވުމުގެ ކުރިން އެމްއެމްއާރްއައި އަށް 24 އަހަރު ހިދުމަތް ކުރައްވާފައެެވެ.