ޚަބަރު
އޮޅުހިޔާގައި މިހާރު 30 ބުޅާ ބަލަހައްޓަމުންދޭ
އޮޅުހިޔަ ފެސިލިޓީގައި ބުޅާތަކެއް، ފޮޓޯ: ދަނޑުވެރިކަމާއި ދިރޭތަކެއްޗާއިބެހޭ ވުޒާރާ
މަގުމަތީގައި އުޅޭ ބުޅާތައް ބެލެހެއްޓުމަށް ޤާއިމްކުރި "އޮޅުހިޔާ"ގައި މިހާރު 30 ބުޅާ ބަލަހައްޓަމުންދާކަމަށް، ދަނޑުވެރިކަމާއި ދިރޭތަކެއްޗާއިބެހޭ ވުޒާރާއިން ހާމަކޮށްފިއެވެ.
މި ތަނަށް ބުޅާތައް ގެންދަން ފަށާފައިވަނީ މި އަހަރުގެ ފެބުރުވަރީ މަހުގެ 28 ވަނަ ދުވަހެވެ. އެގޮތުން އެ ދުވަހު އެ ތަނަށް ވަނީ 15 ބުޅާ ގެންގޮސްފައެވެ.
މި ފެސިލިޓީއަށް އެންމެ ފަހުން ގެނެވުނު ބަދަލުތައް ޙިއްސާ ކުރަމުން ދިރޭތަކެއްޗާއިބެހޭ ވުޒާރާއިން ސޯޝަލް މީޑިއާގައި ޙިއްސާކުރި ޕޯސްޓުގައި ބުނެފައިވަނީ، ބުޅާތައް ބޭތިއްބުމަށް ހާއްސަކުރެއްވިފައިވާ ތަންތަނުގައި ކުރިން ބޭނުންކޮށްފައި ހުރި ދަލުގެ ގޮޅި ބޮޑުކަމުން ކުދި ބުޅާތަކަށް އެ ތަނުން ބޭރަށް ނިކުމެވޭތީ، މިހާރު އެ މައްސަލަ ހައްލުކޮށްފައިވާ ކަމަށެވެ.
We’re now caring for 30 rescued stray cats, thanks to recent upgrades like a reinforced net cover to keep our littlest escape artists safe. Every improvement helps us save more lives! 📷 #CatRescue #AnimalShelter pic.twitter.com/X4368S4TNw
— Ministry of Agriculture and Animal Welfare (@MAAWmv) April 6, 2025
އެގޮތުން މި ތަންތަނުގައި ގޮޅި ކުދި ދާ ޖަހާފައިވާކަމަށް އެ ވުޒާރާއިން ވަނީ ހާމަކޮށްފައެވެ.
މިދިޔަ މަހު ސޯޝަލް މީޑިއަގައި ޙިއްސާ ކުރި މެސެއްޖެއްގައި ދިރޭތަކެއްޗާއިބެހޭ ވަޒީރު ޑރ. މަރްޔަމް މާރިޔާ ވިދާޅުވީ، ބުޅާތަކަށް ދޭންވާ ފަރުވާއާއި އެހެނިހެން ޚިދުމަތްތައް ޤާއިމްކުރުމުގެ މަސައްކަތް ކުރަމުންދާކަމަށާއި، އެގޮތުން މެޑިކަލް ފެސިލިޓީއާއި ޑޮކްޓަރ ފެސިލިޓީ އަދި ވެޓް ކެއަރ ފެސިލިޓީގެ ޙިދުމަތް ފެށުމަށް ތައްޔާރުވަމުދާކަމަށެވެ.
މި ފެސިލިޓީ ޤާއިމްކޮށްފައިވަނީ ހުޅުމާލެ ދެވަނަ ފިޔަވައްސާ ގުޅިފައި އޮތް ފަރުކޮޅުފުށީގައެވެ.
