އދ. ލޮނުބޮއިގައި ފަތުރުވެރިކަން ތަރައްޤީކުރުމަށް ހުޅުވާލައިފި

ފަތުރުވެރިކަމާއި މަދަނީ އުދުހުންތަކާ ބެހޭ ވުޒާރާއިން، 2024 ވަނަ އަހަރު ފަތުރުވެރިކަން ތަރައްޤީ ކުރުމަށް ހުޅުވާލި ބުރުގެ 12 ވަނަ އިސްލާހުގެ ދަށުން، އަރިއަތޮޅު ދެކުނުބުރީ ލޮނުބޮއިގައި ފަތުރުވެރިކަން ތަރައްޤީ ކުރުމަށް ހުޅުވާލައިފިއެވެ.

ފަތުރުވެރިކަން ތަރައްޤީ ކުރުމަށް ރަށްތަކާއި ފަޅުތައް ހުޅުވާލުމުގެ ފުރަތަމަ ބުރު ފެށީ 2024 ވަނަ އަހަރުގެ މޭ 30 ވަނަ ދުވަހުއެވެ. ފުރަތަމަ ބުރުގައި 1 އަތޮޅަކުން 14 ރަށަކާއި 3 ފަޅަކަށް ކުރިމަތިލުމުގެ ފުރުޞަތު ހުޅުވާލިއެވެ. ދެން، ލިސްޓަށް ތަފާތު އެކިފަހަރު މަތިން ގިނަ އިސްލާހުތަކެއް ގެނެސްފައިވާ ކަމަށް ވުޒާރާއިން ހާމަކޮށްފައިވެއެވެ.

1.2 ހެކްޓަރުގެ ބިމެއް ހިމެނޭ ލޮނުބޮއި މީގެ ކުރިން ލޮނުބޮއި ޕިކްނިކް އައިލެންޑެއްގެ ގޮތުގައި ތަރައްޤީކޮށް މިދިޔަ ސަރުކާރުން ހުޅުވާލިއެވެ. ނަމަވެސް އެ ރަށް ފަތުރުވެރިކަމަށް ހުޅުވާލަދޭން އެ އަތޮޅު ކައުންސިލާއެކު 2024 ވަނަ އަހަރު ބޭއްވެވި ބައްދަލުވުމުގައި އައަތޮޅު ކައުންސިލުން ވަނީ ރައީސުލްޖުމްހޫރިއްޔާގެ އަރިހުގައި ދަންނަވާފައެވެ.