އެމްއެންޑީއެފްގެ ސްޕެޝަލް ފޯސަސްއަށް ބޭނުންވާ ޕެރަޝޫޓް ޖަމްޕް ތަމްރީނުތައް ފެށުމަށް މަޝްވަރާކޮށްފި

އެމްއެންޑީއެފްގެ ސްޕެޝަލް ފޯސަސްއަށް ބޭނުންވާ ޕެރަޝޫޓް ޖަމްޕް ޓްރޭނިންގ ދިވެހިރާއްޖޭގައި ފުރިހަމަކުރެވޭނެ މަގުފަހިކުރުމާއި ގުޅޭ ގޮތުން މަޝްވަރާކުރައްވައިފިއެވެ.

ދިފާޢީ އަދި ވަޠަނީ ޚިދުމަތާ ބެހޭ ވަޒީރު ޙަސަން ރަޝީދާއި، އައިލެންޑް އޭވިއޭޝަން ސަރވިސްގެ އިސްވެރިން މިކަމާއި ގުޅޭގޮތުން މަޝްވަރާކުރައްވާފައި ވަނީ 20 އޮގަސްޓް 2026ގައެވެ.

މިކަމަށް ޓަކައި ބޭއްވުނު ބައްދަލުކުރެއްވުމުގައި  

މި ބައްދަލުވުމުގެ ތެރެއިން މައިގަނޑު ގޮތެއްގައި ވާހަކަދެކެވުނީ ސިފައިންގެ ޚާއްޞަ އޮޕަރޭޝަންތަކަށާއި އެއަރބޯން ތަމްރީނުތަކަށް ބޭނުންވާ ވައިގެ ދަތުރުފަތުރުގެ ޚިދުމަތްތައް ފަހިކޮށްދިނުމާ ގުޅޭގޮތުންނެވެ. އަދި މީގެ އިތުރުން، އައިލެންޑް އޭވިއޭޝަނާ ބައިވެރިވެގެން ރާއްޖޭގެ ވައިގެ ސަރަޙައްދު ބޭނުންކޮށްގެން އަސްކަރީ ތަމްރީނުތައް ކުރިއަށް ގެންދެވިދާނެ އިންތިޒާމުތަކާ ގުޅޭގޮތުން ވެސް ދެފަރާތުން ޚިޔާލު ބަދަލުކުރެއްވިއެވެ.

ދިފާޢީ ވުޒާރާއިން ހާމަކުރެއްވި ގޮތުގައި، މި ބައްދަލުވުމަކީ ދިވެހި ސިފައިންގެ ޤާބިލުކަން އިތުރަށް ތަރައްޤީކުރެއްވުމަށާއި، ވައިގެ މަގުން ހިންގާ ޚާއްޞަ އޮޕަރޭޝަންތަކަށް ބޭނުންވާ ޒަމާނީ ވަސީލަތްތައް ފަހިކޮށްދެއްވުމަށް ޓަކައި، ރައީސުލްޖުމްހޫރިއްޔާ އަދި ސިފައިންގެ އެންމެ މަތީވެރިޔާ ޑރ. މުޙައްމަދު މުޢިއްޒު ކުރައްވަމުން ގެންދަވާ މަސައްކަތްޕުޅުތަކުގެ ތެރެއިން ކުރިއަށްދިޔަ މުހިންމު ބައްދަލުވުމެކެވެ.

އެމްއެންޑީއެފް ގެ ސްޕެޝަލް ފޯސަސްއަށް ބޭނުންވާ ޕެރަޝޫޓް ޖަމްޕް ޓްރޭނިންގ ދިވެހިރާއްޖޭގައި ފުރިހަމަކުރެވޭނެ މަގުފަހިކުރުމަށްޓަކައި، މިނިސްޓަރ އޮފް ޑިފެންސް އެންޑް ނޭޝަނަލް ސަރވިސް ޙަސަން ރަޝީދު، އައިލެންޑް އޭވިއޭޝަން ސަރވިސްގެ އިސްވެރިންނާ މިއަދު ބައްދަލުކުރައްވައިފި.

އެއަރބޯރން… pic.twitter.com/vi8ZmAcVrg

— Ministry of Defence and National Service (@MoDmv) August 20, 2026

އެމްއެންޑީއެފްގެ ސްޕެޝަލް ފޯސަސް އިފްތިތާޙު ކުރެވުނީ 27 އޮކްޓޯބަރު 2009 ގައެވެ. އެއީ ޤައުމީ ސަލާމަތަށް ކުރިމަތިވާ އެތެރެއާއި ބޭރުގެ ހުރިހާ ނުރައްކާތަކަކާ ދެކޮޅަށް ހަނގުރާމަކޮށް ދިފާޢުވުމަށާއި، ދިވެހިރާއްޖޭގެ ސަރަޙައްދުގެ އެތެރޭގައާއި ބޭރުގައި ދިވެހި ސަރުކާރުގެ ޤައުމީ މަޞްލަޙަތުތައް ޙިމާޔަތްކުރުމަށް ޓަކައި، ޚާއްޞަ  ތަމްރީނު ލިބިފައިވާ އެލީޓް ސިފައިންގެ ގްރޫޕެއް އޮތުން މުހިންމުވުމާއި ގުޅިގެން އުފައްދަވާފައިވާ ޔުނިޓެކެވެ.