ސައުދީގެ ޑިފެންސް މިނިސްޓަރާއި، މިނިސްޓަރ ޙަސަން ރަޝީދު ބައްދަލުކުރައްވައިފި

މި ދެބޭފުޅުން ބައްދަލުކުރައްވާފައި ވަނީ، ސައޫދީ އަރަބިއްޔާގެ ޑިފެންސް މިނިސްޓަރ، ޕްރިންސް ހާލިދު ބިން ސަލްމާން ބިން އަބްދުލްއަޒީޒް އަލް ސައުދުގެ ދައުވަތަކަށް، ދިފާޢީ އަދި ވަޠަނީ ޚިދުމަތާ ބެހޭ ވަޒީރު ޙަސަން ރަޝީދު ސައޫދީ އަރަބިއްޔާއަށް ކުރައްވަމުންދާ ރަސްމީ ދަތުރުފުޅުގެ ތެރެއިން ދެ ބޭފުޅުން ބައްދަލުކުރައްވައިފިއެވެ.

މި ބައްދަލުވުމާ ގުޅިގެން ޕްރިންސް ޚާލިދު ހާމަކުރައްވާފައިވާ ގޮތުގައި، މި ބައްދަލުވުމުގައި ދެ ޤައުމުގެ ދެމެދުގައި އޮތް ދޭދޭ ގުޅުންތަކާއި، ދިފާޢީ ދާއިރާއިން އިތުރަށް ގުޅުން ބަދަހިކުރެވިދާނެ ގޮތްތަކާ ބެހޭގޮތުން ފުޅާދާއިރާއެއްގައި މަޝްވަރާކުރެވުނެވެ. 

މީގެއިތުރުން ސަރަޙައްދީ އަދި ބައިނަލްއަޤްވާމީ މަސްރަޙުގައި ހިނގަމުންދާ ކަންކަމާއި، ސަރަޙައްދީ ސަލާމަތާއި ހަމަޖެހުން ޤާއިމުކުރުމަށް ކުރެވޭ މަސައްކަތްތަކާ ގުޅޭގޮތުން ވެސް ޚިޔާލު ބަދަލުކުރެވުނުކަމަށް ހާމަކުރައްވާފައިވެއެވެ.

Met with the Minister of Defense and National Service of the Maldives, Hassan Rasheed. We reviewed our bilateral relations and prospects for defense cooperation. We also discussed regional and international developments and efforts to promote security and stability in the region. pic.twitter.com/W7Ux8AaAbP

— Khalid bin Salman خالد بن سلمان (@kbsalsaud) June 30, 2026

މި ދަތުރުފުޅުގެ ތެރެއިން އިސްލާމިކް މިލިޓަރީ ކައުންޓަރ ޓެރަރިޒަމް ކޯލިޝަން (އައި.އެމް.ސީ.ޓީ.ސީ) ގެ ޑެޕިއުޓީ މިލިޓަރީ ކޮމާންޑަރ މޭޖަރ ޖެނެރަލް ޢަބްދުﷲ ބިން ޙާމިދު އަލް-ޤުރައިޝީއާވެސް ޑިފެންސް މިނިސްޓަރ ބައްދަލުކުރެއްވިއެވެ.

މި ބައްދަލުވުމުގައި ޓެރަރިޒަމާ ދެކޮޅަށް ކުރެވޭ މަސައްކަތްތަކްތައް އިތުރުކޮށް، ދެ ގައުމުން ގުޅިގެން ތަމްރީނުތައް ބާއްވައި، ފަންނީ ގާބިލުކަން އިތުރުކުރުމަށް ވަނީ މަޝްވަރާކުރައްވާފައެވެ.