އެމްއެސްއެމްއީ ދުވަހުގެ މުނާސަބަތުގައި، ރާއްޖޭގެ ކުދި ވިޔަފާރިތަކުގެ މުހިންމުކަން ރައީސް ފާހަގަކުރައްވައިފި

ރާއްޖޭގެ އިގްތިސާދުގެ ވަރުގަދަކަން ބިނާވެފައިވަނީ، މި ޤައުމުގެ ހާހެއްހާ ކުދި އަދި މެދު ފަންތީގެ ވިޔަފާރިތަކުގެ މައްޗަށް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެޖެއެވެ. 

މި އަހަރުގެ ކުދި އަދި މެދު ފަންތީގެ ވިޔަފާރިތަކަށް ހާއްސަ ދުވަހުގެ (އެމްއެސްއެމްއީ ދުވަހުގެ) މުނާސަބަތާ ގުޅިގެން އެކްސްގައި ކުރެއްވި ޕޯސްޓެއްގައި ރައީސް ވަނީ ކުދި އަދި މެދު ފަންތީގެ ވިޔަފާރިތަކުން ރާއްޖޭގައި ރަނގަޅު އިގްތިސާދެއް ބިނާ ކުރުމަށްޓަކައި އަދާކުރަމުންދާ ދައުރުގެ އަގުވަޒަންކުރައްވާފައެވެ. 

The strength of our economy lies in the thousands of small businesses that drive growth and create opportunities across our islands. On #MSMEDay, we recognise their contribution to building a stronger and a more resilient Maldivian economy.

Through Maldives 2.0, we are expanding… pic.twitter.com/91zrtRRJC0

— Dr Mohamed Muizzu (@MMuizzu) June 27, 2026

މީގެ އިތުރުން، ރައީސް ވަނީ މޯލްޑިވްސް 2.0 ގެ ދަށުން ވިޔަފާރިތަކަށް ލިބޭ ފައިސާގެ އެހީތެރިކަމާއި، ޑިޖިޓަލް ވަސީލަތްތަކާއި، އިންފްރާސްޓްރަކްޗަރ އަދި، ދުނިޔޭގެ މާކެޓަށް ނިކުތުމަށް އޮންނަ ފުރުސަތުތައް ފަހިކޮށްދެއްވުމަށް މަސައްކަތްކުރަމުންދާކަން ފާހަގަކުރައްވާފައެވެ. އަދި މި ވިޔަފާރިތައް އިތުރަށް ފުޅާވެ ކާމިޔާބު ވިޔަފާރިތަކަކަށް ހެދުމުގެ މަގުތައް ފަހިކޮށްދެއްވަމުންދާކަން ވެސް ވަނީ ފާހަގަކުރައްވާފައެވެ.

އެގޮތުން، އެކި ވިޔަފާރިތަކަށް އެހީތެރިކަން ފޯރުކޮށްދޭ ސަގާފީ މަރުކަޒުތަކާއި، ކްރިއޭޓަރ ހަބާއި، އެސްއެމްއީ ޑިޖިޓަލް ފައިނޭންސިންގްގެ އިތުރުން، އަލީބާބާ އަދު ޕޭޕަލް މެދުވެރިކޮށް ފުރުސަތުތައް ފަހިކޮށްދެއްވާފައިވާކަން ރައީސް ފާހަގަކުރެއްވިއެވެ. އަދި އަމާޒަކީ، ހުރިހާ ފަރާތަކަށް ވެސް، ފުރުސަތުތައް ފަހިކޮށްދެއްވުން ކަމަށް ރައީސް ވިދާޅުވިއެވެ.

މީގެ އިތުރުން، އެސްއެމްއީ ވިޔަފާރިތައް ކުރިއެރުވުގެ މަސައްކަތަށް 2026 އާއި 2027 ވަނަ އަހަރު ބޮޑު ސަމާލުކަމެއްދީގެން ކުރިއަށްގެންދަވާނެކަމާއި، އެ ވިޔަފާރިތަކަށް ބޭނުންވާ އެހީތެރިކަން ފޯރުކޮށްދެވޭނެފަދަ އިގްތިސާދެއް ބިނާކުރުމަށް ކުރަންޖެހޭ މަސައްކަތްތައް ކުރުންމަތީ ދެމިހުންނާނެކަމަށް ވެސް ރައީސް ވިދާޅުވިއެވެ.

އެމްއެސްއެމްއީ ދުވަސް މިއަދު ފާހަގަކުރެވެމުންދާއިރު، އަދުގެ ސަރުކާރުން އެސްއެމްއީ ވިޔަފާރިތައް ކުރިއެރުވުމަށްޓަކައި ކޮށްދެއްވާފައިވާ މަސައްކަތްތައް ފާހަގަކޮށްލެވެއެވެ. އެގޮތުން، ޤައުމުގެ އުފެއްދުންތެރިކަމާއި، ހުނަރުވެރިކަން ކުރިއެރުވުމަށް ހިތްވަރުދީ، ރާއްޖޭގެ ވިޔަފާރިތަކާއި މަސައްކަތްތެރިކަމާއި ހުނަރުވެރިކަން ކުރިއެރުވުމުގެ މަގަސަދުގައި ކުދި އަދި މެދު ފަންތީގެ ވިޔާފާރިތަކަށް ޚާއްޞަކޮށްގެން މުޅިން އަލަށް މި ސަރުކާރުން ވަނީ އެވޯޑްތައްދޭން ފަށާފައެވެ.