ކުޑަރިކިލު ސްކޫލުގެ އައު ކްލާސްރޫމުގެ ކޮންކްރީޓް މަސައްކަތްތައް ނިމުމަކާ ގާތަށް

ބ. ކުޑަރިކިލު ސްކޫލުގައި އިމާރާތްކުރާ އައު ކްލާސްރޫމްތަކުގެ ކޮންކްރީޓް މަސައްކަތް ނިމުމަކާ ގާތްވެފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.

އެމްޓީސީސީން ވިދާޅުވީ، މި ކުލާސްރޫމްތަކުގެ ކޮންކްރީޓް މަސައްކަތުގެ %90 މިހާރު ނިމިފައިވާ ކަމަށެވެ. މި މަސައްކަތުގެ ދަށުން ކުޑަރިކިލު ސްކޫލުގައި 4 ކްލާސްރޫމެއް ތަރައްޤީކުރުމަށް ހަމަޖެހިފައިވެއެވެ.

Project Update: Completion of 4 classroom at B Kudarikilu school

Ground floor casting works are currently ongoing at the project site. The overall concrete structure construction has reached 90% completion.

Follow more updates at: https://t.co/SfVAzkW2pp#MTCCProjects… pic.twitter.com/8llvvEqBJE

— MTCC Plc (@MTCCPlc) May 10, 2026

އެމްޓީސީސީން އިތުރަށް ވިދާޅުވީ، މި މަޝްރޫޢުގެ ދަށުން މިހާރު ފުރަތަމަ ފަންގިފިލާގައި ސްލެބް ކާސްޓުކުރުމަށް ތައްޔާރުވެފައިވާ ކަމަށެވެ. މީގެ އިތުރުން، އެ މަސައްކަތް މިހާރު ފެށިގެން ކުރިއަށްދާ ކަމަށްވެސް އެމްޓީސީސީ އިން މަޢުލޫމާތުދެއެވެ. ކުޑަރިކިލު ސްކޫލުގައި އިމާރާތްކުރާ އައު ކްލާސްރޫމްތަކުގެ މަސައްކަތަކީ، ތަޢުލީމާ ބެހޭ ވުޒާރާއިން އެމްޓީސީސީއާ ހަވާލުކުރެވިގެން ކުރިއަށް ގެންދާ މަޝްރޫޢެކެވެ.

މިއީ ދައުލަތުގެ ބަޖެޓުން ޚަރަދުކޮށްގެން ހިންގާ މަޝްރޫޢެއްކަން ފާހަގަކޮށްލެވެއެވެ.