ސަރުކާރުން ހަވާލުވިއިރު %13 ގައި ހުރި ބިދޭސީންގެ ބަޔޯމެޓްރިކް ރެކޯޑްތައް %98 އަށް އިތުރުކުރެވިއްޖެ : ވަޒީރު އިހްސާން

ދިވެހިރާއްޖޭގައި މަސައްކަތްކުރާ ބިދޭސީންގެ ބަޔޯމެޓްރިކް މަޢުލޫމާތު އެއްކުރުމުގައި ސަރުކާރުން ބޮޑު ކާމިޔާބީއެއް ހޯދައިފިއެވެ. މިނިސްޓަރ އޮފް ހޯމްލޭންޑް ސެކިއުރިޓީ، ލޭބަރ އެންޑް ޓެކްނޮލޮޖީ އަލީ އިހްސާން ހާމަކުރެއްވި ގޮތުގައި، މި ސަރުކާރުން ހަވާލުވިއިރު %13 ގައި ހުރި ބިދޭސީންގެ ބަޔޯމެޓްރިކް ރެކޯޑްތައް މިހާރު ވަނީ %98 އަށް އިތުރުކުރެވިފައެވެ.

17 ނޮވެމްބަރު 2023 ގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ވެރިކަމާ ހަވާލުވިއިރު، ސަރުކާރުގެ ޑޭޓާބޭސްގައި 10 އިނގިލީގެ ނިޝާނާއި ފޭޝަލް ރިކޮގްނިޝަން ފޮޓޯ ހިމެނޭހެން ފުރިހަމަ ބަޔޯމެޓްރިކް ރެކޯޑް ހުރީ ރާއްޖޭގައި އުޅޭ ބިދޭސީންގެ ތެރެއިން އެންމެ %13 މީހުންގެއެވެ.

On 17 November 2023, when this Government assumed office, only 13% of migrant workers in the Maldives had biometric records, including all 10 fingerprints and facial recognition photographs, stored in the Government database.

This was not just an administrative gap. It was a… pic.twitter.com/vACgETBft5

— Minister of Homeland Security, Labour & Technology (@min_mohst) May 10, 2026

މިނިސްޓަރ އިހްސާން ވިދާޅުވީ، މިއީ ހަމައެކަނި އިދާރީ މައްސަލައެއް ނޫން ކަމަށާއި، މިއީ ގައުމީ ސަލާމަތަށް އޮތް ބޮޑު ނުރައްކަލެއް ކަމަށެވެ. އެގޮތުން، ބިދޭސީންގެ އަތުގައި އެއްވެސް ލިޔެކިޔުމެއް ނެތް ހާލަތްތަކުގައި އެމީހުންނަކީ ކޮންބައެއްކަން ދެނެގަތުމަށާއި، އެމީހުން ރާއްޖޭގައި އުޅެނީ ގާނޫނީ އިމުގެ ތެރެއިންތޯ ކަށަވަރުކުރުމަށް މީގެ ކުރިން ބޮޑެތި ގޮންޖެހުންތަކެއް ހުރިކަން މިނިސްޓަރ ފާހަގަކުރެއްވިއެވެ.

ނަމަވެސް، ވޭތުވެދިޔަ ދެ އަހަރު ދުވަހުގެ ތެރޭގައި ރައީސް ޑރ. މުޙައްމަދު މުޢިއްޒުގެ ސީދާ އިރުޝާދުގެ ދަށުން، ރާއްޖޭގެ ތާރީޚުގައި ހިންގުނު އެންމެ ފުޅާ ބިދޭސީން ރެގިއުލަރައިޒް ކުރުމުގެ މަސައްކަތް ވަނީ ފަށާފައެވެ. "އޮޕަރޭޝަން ކުރަނގި" ގެ ނަމުގައި ކުރިއަށްގެންދާ މި މަސައްކަތުގެ ނަތީޖާއެއްގެ ގޮތުން، މިއަދު ރާއްޖޭގައި މަސައްކަތްކުރާ ބިދޭސީންގެ ގާތްގަނޑަކަށް ފުރިހަމަ ބަޔޯމެޓްރިކް ޑޭޓާބޭސްއެއް ސަރުކާރުގައި ވަނީ ގާއިމުކުރެވިފައެވެ.

މި ކާމިޔާބީގެ ސަބަބުން ގައުމީ ސަލާމަތާއި ބޯޑަރު ކޮންޓްރޯލް ވަރުގަދަވެ، ގާނޫނު ތަންފީޒުކުރުމުގެ ގާބިލްކަން އިތުރުވެގެންދާނެއެވެ. މީގެ އިތުރުން، އައިޑެންޓިޓީ ފްރޯޑް ނުވަތަ މީހުންގެ އޮޅުވާލައިގެން މަސައްކަތްކުރުން ހުއްޓުވުމަށާއި، ގަވާއިދާ ޚިލާފަށް އުޅޭ ބިދޭސީން ދެނެގަތުމަށް މި ޑޭޓާބޭސްގެ ސަބަބުން ބޮޑު އެހީތެރިކަމެއް ލިބޭނެއެވެ.

މިނިސްޓަރ އިތުރަށް ވިދާޅުވީ، މިއީ ބައިނަލްއަގުވާމީ ފެންވަރުގައި ބަލައިގަންނަ ޒަމާނީ ބަޔޯމެޓްރިކް ގަވަރނަންސް މިންގަނޑުތަކަށް ރާއްޖެ ވާސިލުވުން ކަމަށެވެ. އަދި މި އަމަލީ މަސައްކަތުން ދޭހަވަނީ ސަރުކާރުގެ ސިޔާސީ ވަރުގަދަ އަޒުމާއި، މުއައްސަސާތަކުގެ މެދުގައި އޮތް ގުޅުން ކަމަށްވެސް މިނިސްޓަރ ވިދާޅުވިއެވެ.