ޅ. ނައިފަރު ބިން ހިއްކުމުގެ މަޝްރޫޢުގެ %16 މަސައްކަތް އެމްޓީސީސީން ނިންމާލައިފި

ޅ. ނައިފަރު ބިން ހިއްކުމުގެ މަޝްރޫޢުގެ %16 މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ، އެމްޓީސީސީން ނިންމާލައިފި އެވެ.

އެމްޓީސީސީން ވިދާޅުވީ، ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަސައްކަތުގެ ތެރެއިން ބިން ހިއްކުމުގެ %16 މަސައްކަތް މިހާރު ނިމިފައިވާ ކަމަށެވެ. ހަމަ އެއާއެކު، އެ މަސަައްކަތުގެ ތެރެއިން ވެލި ބަންޑުގެ މަސައްކަތް ކުރިއަށްދާ ކަމަށާއި އެ މަސައްކަތުގެ %25 މަސައްކަތް ނިމިފައިވާ ކަމަށް ވެސް އެމްޓީސީސީން ވަނީ ވިދާޅުވެފައެވެ.

Project Update: Design and build of Land Reclamation and Shore Protection at Lh. Naifaru

Land reclamation work is currently ongoing with 16% progress, and sand bund work has reached 25% progress.

Follow more updates at: https://t.co/SfVAzkW2pp#MTCCProjects #TeamMTCC… pic.twitter.com/HLHZUMeSur

— MTCC Plc (@MTCCPlc) November 24, 2025

މި މަޝްރޫއުގެ ދަށުން، 44.80 ހެކްޓަރުގެ ސަރަޙައްދެއްގެ ބިން ހިއްކުމާއި، 1813 މީޓަރުގެ ސަރަޣައްދެއްގައި ރިވެޓްމަންޓް ޖެހުމުގެ މަސައްކަތް ކުރިއަށްދާނެ އެވެ. ހަމަ މިއާއެކު، 474 މީޓަރުގެ ސަރަޙައްދެއްގައި ގްރޮއިން ޖެހުމާއި، 803 މީޓަރުގެ ސަރަޙައްދެއްގައި ބޭރުތޮށިލުމުގެ މަސައްކަތް ވެސް ކުރިއަށްދާނެ ކަމަށް އެމްޓީސީސީން ވަނީ ވިދާޅުވެފައެވެ.

މި މަޝްރޫޢަކީ، 679.03 މިލިއަން ރުފިޔާއަށް 630 ދުވަސްތެރޭ ނިންމުމަށް ދައުލަތުގެ ބަޖެޓުން ޚަރަދުކޮށްގެން  އެމްޓީސީސީއާ ހަވާލުކޮށްފައިވާ މަޝްރޫޢެއްކަން ފާހަގަކޮށްލެވެއެވެ.