ރައީސްގެ ވަޢުދުފުޅާ އެއްގޮތަށް ވޭމަންޑޫގައި ކީރިތި ޤުރްއާނާ ބެހޭ ޤައުމީ މަރުކަޒުގެ ގޮތްޕެއް ހުޅުވައިފި

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ވަޢުދުފުޅާ އެއްގޮތަށް ތ.ވޭމަންޑޫގައި ކީރިތި ޤުރްއާނާ ބެހޭ ޤައުމީ މަރުކަޒުގެ ގޮތްޕެއްހުޅުވައިފިއެވެ.

 ނޮވެންބަރު މަހުގެ ތެރޭގައި ވޭމަންޑޫގައި ޤުރުއާނާ ބެހޭ މަރުކަޒުގެ ގޮތްޕެއް ހުޅުއްވައިދެއްވާނެކަމަށް ރައީސުލްޖުމްހޫރިއްޔާ ޑރ.މުޙައްމަދު ވަޢުދުވެވަޑައިގަތީ މިއަހަރުތެރޭ ވޭމަންޑޫއަށް ވަޑައިގެން، އެރަށު ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުންނެވެ.

ތ. ވޭމަންޑޫގައި ބޭއްވި ރަސްމިއްޔާތުގައި ޤުރުއާނާ ބެހޭ މަރުކަޒުގެ އައުޓްރީޗް ސެންޓަރު ހުޅުވައިދެއްވީ ކީރިތި ޤުރްއާނާ ބެހޭ ޤައުމީ މަރުކަޒު ހިންގެވުމާ ހަވާލުވެހުރި، ސްޓޭޓް މިނިސްޓަރ އަލްއުސްތާޛު ޢަބްދުﷲ ސަޢުދާންއެވެ. މިރަސްމިއްޔާތުގައި ތ އަތޮޅު ކައުންސިލްގެ ރައީސް އަބްދުالله ޝަރީފް ވެސް ބައިވެރިވެވަޑައިގެންނެވިއެވެ.

ތ. ވޭމަންޑޫގައި ޤާއިމްކޮށްފައިވާ އައުޓްރީޗް ސެންޓަރ ގައި 2 ކްލާސް ރޫމާއި އޮފީސް ބައެއް ހިމެނެއެވެ.  ސަރުކާރުން ކީރިތި ޤުރުއާނުގެ ޢިލްމާއި ފަންނު ދިރުވައި އާލާކުރެއްވުމަށް ގިނަ މަސައްކަތްތަކެއް ދަނީ ކުރައްވަމުންނެވެ. އެގޮތުން ވޭމަންޑޫގައި ޤާއިމްކުރެވިގެންދިޔަ ޤުރުއާނާ ބެހޭ މަރުކަޒުގެ ގޮތްޕަކީވެސް ޤުރުއާނުގެ ޢިލްމު ފެތުރުމުގެ ގޮތުން އެޅިގެންދިޔަ މުހިންމު ފިޔަވަޅެކެވެެ.