ޕީކް ސީޒަނަށް ތައްޔާރު ވުމުގެ ގޮތުން ހުރިހާ ޑިޕާޓްމަންޓެއް އެއްތަނަކަށް

މިއަހަރުގެ ޕީކް ސީޒަނަށް ތައްޔާރުވުމުގެ މަސައްކަތް ފެށުމުގެ ގޮތުން އެމްއޭސީއެލްގެ ހުރިހާ ޑިޕާޓްމަންޓަކުން އެއްތަނަކުން ބައްދަލުކޮށްފިއެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑްގެ މި ބައްދަލުވުން ފައްޓަވައިދެއްވަމުން އެމްއޭސީއެލްގެ ޗީފް ކޮމާޝަލް އޮފިސަރު (ސީސީއޯ) މުހައްމަދު މިހާދު ވިދާޅުވީ, ޕީކް ސީޒަނަށް ތައްޔާރުވުމުގެ ގޮތުން ބާއްވާ ބައްދަލުވުމަކީ އެމްއޭސީއެލްގައި ބާއްވަމުން އަންނަ އެންމެ މުހިންމު ބައްދަލުވުންކަމަށެވެ. ހަމަ އެއާއެކު އެމްއޭސީއެލްއިން ޚިދުމަތް ހޯދާ ފަރާތްތަކަށް, އެ ފަރާތްތަކުން ބަލައިގަންނަ ފެންވަރަށް ނުވަތަ އެއަށްވުރެވެސް މަތީ ފެންވަރަށް ޚިދުމަތް ދިނުމަށް ކުންފުނީގެ ހުރިހާ ޑިޕާޓްމަންޓަކާއި މުވައްޒަފުން މަސައްކަތް ކުރަންޖެހޭ ކަމަށްވެސް އޭނާ ވިދާޅުވިއެވެ. 

The Winter Readiness 2025/2026 Kickoff Meeting was held to discuss plans for the upcoming busy season, during which the airport experiences higher passenger volumes. The meeting addressed key challenges, proposed solutions, and outlined interdepartmental coordination to ensure… pic.twitter.com/D4rZQgmGrM

— Maldives Airports Company Ltd (@MACLmedia) October 25, 2025

ހުރިހާ ޑިޕާޓްމަންޓަކުން ބައިވެރިވި މި ބައްދަލުވުމަކީ ޕީކް ސީޒަންގެ އޮޕަރޭޝަންސްތައް ކާމިޔާބު ކަމާއެކު ކުރިއަށް ގެންދިއުމުގައި ޑިޕާޓްމަންޓްތަކަށް ކުރިމަތިވެދާނެ ގޮންޖެހުންތަކާއި އެ ކަންކަމަށް ހުށަހަޅާ ހައްލުތަކާއި މަސައްކަތްތައް އޮމާންކަމާއެކު ކުރިއަށް ގެންދިއުމަށް އެއް ޑިޕާޓްމަންޓުން އަނެއް ޑިޕާޓްމަންޓަށް އެހީތެރިކަން ފޯރުކޮށްދެވޭނެ ގޮތްތަކާ ގުޅޭ ގޮތުން މަޝްވަރާ ކުރުމުގެ ގޮތުން ކުރިއަށް ގެންދިޔަ ބައްދަލުވުމެކެވެ.