އިސްރާއީލުގެ ބޮޑުވަޒީރު ވާހަކަދައްކަން ފެށުމާއެކު ދިވެހި ވަފްދު, ހޯލު ދޫކޮށް ނުކުމެއްޖެ

އދގެ އާންމު މަޖިލީހުގެ 80 ވަނަ ސެޝަންގައި އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވާހަކަދައްކަން ފެށުމާއެކު ދިވެހި ވަފްދު، އެ ހޯލު ދޫކޮށް ނުކުމެއްޖެއެވެ.

 ޚާރިޖީ ވަޒީރު ޑރ.ޢަބްދުﷲ ޚަލީލް ސޯޝަލް މީޑިއާގައި ހިއްސާ ކުރެއްވި ޕޯސްޓެއްގައި ވިދާޅުވީ، އިސްރާއީލުގެ ބޮޑުވަޒީރު ތަޤުރީރުކުރަން ފެށުމާއެކު އދ.ގެ އާންމު މަޖިލީހުގެ ބައްދަލުވުމުގައި ބައިވެރިވަމުންދިޔަ ދިވެހި ވަފުދު އެ ހޯލު ދޫކޮށް ބޭރަށް ނުކުމެފައިވާކަމަށެވެ. ހަމައެއާއެކު ދިވެހިރާއްޖެން އަބަދުވެސް ފަލަސްޠީނު ރައްޔިތުންގެ ޙައްގުގައި ވަކާލާތުކުރުމުގައި ދެމިތިބޭނެ ކަމަށްވެސް ވަޒީރުގެ ޕޯސްޓުގައި ވިދާޅުވެފައިވެއެވެ. 

The Maldivian delegation walked out of the General Assembly Hall in protest, when the Prime Minister of Israel started his address to the General Debate.

The Maldives will always stand in solidarity with the people of Palestine. #MDVatUNGA80 pic.twitter.com/uHkIL72R8U

— Abdulla Khaleel (@abkhaleel) September 26, 2025

މިދިޔަ އަހަރު ކުރިއަށްދިޔަ އދގެ އާންމު މަޖިލީހުގައިވެސް ދިވެހި ވަފުދު ވަނީ، އިސްރާއީލުގެ ބޮޑުވަޒީރު ވާހަކަދައްކަން ފެށުމުން އދގެ މައި މަރުކަޒުގެ ހޯލް ދޫކޮށް ނިކުމެފައެވެ.

އިސްރާއީލުން ކެނޑިނޭޅި ޣައްޒާގެ ކުށެއްނެތް އާއްމު ރައްޔިތުންނަށް ކުރިމަތިކުރުވާ ދަތިތަކާއި، ތަޙައްމަލުކުރަމުންދާ ވޭންދެނިވި އަނިޔާ އިތުރަށް ފުޅާވިޔަނުދީ ހުއްޓުވުމަށް ބައިނަލްއަޤްވާމީ މުޖުތަމައުން އިސްރާއީލަށް މަޖުބޫރު ކުރުމަށާއި، ޤައުމުތަކުން އެކުވެ އަޅަންޖެހޭ ފިޔަވަޅުތައް އެޅުމަށް ދިވެހި ސަރުކާރުން ދަނީ އެކި ބައްދަލުވުންތަކުގައި ގޮވާލަމެވެ.