ޣައްޒާގެ ކޮންޓްރޯލް ހޯދުމަށް އިސްރާއީލުން ރާވާފައިވާ ރޭވުން ހަރުކަށި އިބާރާތުން ކުށްވެރިކުރަން: ރައީސުލްޖުމްހޫރިއްޔާ

ޣައްޒާގެ ކޮންޓްރޯލް ހޯދުމަށް އިސްރާއީލުން ރާވާފައިވާ ރޭވުން ހަރުކަށި އިބާރާތުން ކުށްވެރިކުރައްވާ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.

"އެކްސް"ގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ އިސްރާއީލުގެ އިދާރާތަކުން ޣައްޒާގެ ކޮންޓްރޯލް ހޯދުމަށް ރާވާފައިވާ ރޭވުން ވަރަށް ހަރުކަށި އިބާރާތުން ކުށްވެރިކުރައްވާ ކަމަށެވެ. އަދި މިފަދަ ކޮންމެ ޢަމަލަކީ ބައިނަލްއަޤްވާމީ އިންސާނީ ޤާނޫނުތަކާ ހިލާފު އަދި ފަލަސްޠީނު ރައްޔިތުންގެ އަމިއްލަ ނިންމުމުގެ ޙައްޤުތަކަށް އަރައިގަތުން ކަމަށްވެސް އެމަނިކުފާނު ވިދާޅުވީއެވެ.

މި ނިންމުމަކީ ފަލަސްޠީނުގެ ރައްޔިތުންނަށް ދެމުންގެންދާ ލާއިންސާނީ ހަމަލާ އިތުރުކުރުމުގެ އިތުރުން، ދެމެހެއްޓެނިވި ސުލްޙައަށާއި ސަރަޙައްދީ ހަމަޖެހުމަށް ނުރައްކަލެއް ކަމަށްވެސް ރައީސް ވިދާޅުވިއެވެ. ރައީސްގެ ޕޯސްޓުގައި ވިދާޅުވެފައި ވަނީ ޣައްޒާގެ ކޮންޓްރޯލް ހޯދުމަށް ކުރެވޭ އެއްވެސް މަސައްކަތަކީ ޤަބޫލުކުރެވޭނެ ކަމެއް ނޫންކަމަށެވެ. އެއާއެކު ދިވެހިރާއްޖޭން ފަލަސްޠީނު ރައްޔިތުންގެ ޙައްޤުގައި އަޑު އުފުލުން ހުއްޓާ ނުލައްވާނެކަން ފާހަގަކުރައްވާފައެެވެ.

Strongly condemn the Israeli occupation authorities’ plan to take control of Gaza. Any such actions blatantly violate international humanitarian law and gravely infringe on the Palestinian people’s right to self-determination.

This decision not only deepens the suffering in the…

— Dr Mohamed Muizzu (@MMuizzu) August 8, 2025

އިސްރާއީލުން ޣައްޒާގެ މައްޗަށް އިތުރަށް ކޮންޓްރޯލް ހޯދުމަށް ރާވާފައިވާ ޕްލޭން ތަންފީޒުކުރުން ހުއްޓުވުމަށާއި، ފަލަސްޠީނުގައި އިސްރާއީލުން ހިންގަމުންދާ އަނިޔާވެރިކަން ނިމުމަކަށް ގެނައުމަށާއި، ފަލަސްޠީނުގައި ހިންގާފައިވާ އެންމެހައި ލާއިންސާނީ ޢަމަލުތަކަށް ޖަވާބުދާރީކުރުވުމަށް އަވަސް އަދި ޢަމަލީ ފިޔަވަޅުތަކެއް އެޅުމަށް ދިވެހިރާއްޖެއިން ބައިނަލްއަޤްވާމީ މުޖުތަމަޢުއަށް ގޮވާލައްވާކަމަށްވެސް ރައީސްގެ މި ޕޯސްޓުގައި ވެއެވެ. 

ރައީސް މިހެން ވިދާޅުވެފައި މިވަނީ "ޣައްޒާ ސިޓީ" (ޣައްޒާގެ މެދު އަދި އުތުރު) އަސްކަރީ ގޮތުން ހިފާ، މުޅި ޣައްޒާގެ "ސެކިޔުރިޓީ ކޮންޓްރޯލް" އެކަށް އިޒްރޭލުން ނެގުމަށް ނަތަންޔާހޫ އާއި އެއްބަސް ވާކަމަށް އިޒްރޭލުގެ ސްކިޔުރިޓީ ކައުންސިލުން ނިންމާފައިވާ ނިންމުމާއި ގުޅިގެންނެވެ.