ލަބެރަ ބޮޑީބޯޑިން ޗެލެންޖް 2025 ފަށައިފި

ލަބެރަ ބޮޑީބޯޑިން ޗެލެންޖް 2025 ފަށައިފި އެވެ.

ލަބެރަ ބޮޑީބޯޑިންގ ޗެލެންޖަކީ، ޤައުމީ ބޮޑީބޯޑިންގ ލީގުގެ އެންމެ ފޯރިގަދަ އެއް މުބާރާތެވެ. މިމަހުގެ 5 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށް ކުރިއަށް ގެންދާ މި މުބާރާތުގައި ޖުމްލަ 21 އެތުލީޓުން ވާދަކުރާނެއެވެ.

މިއަހަރުގެ ބޮޑީބޯޑީންގ ޗެލެންޖުގައި ވެސް ރާއްޖޭގެ އެކި ކަންކޮޅުތަކުގައި ޙަރަކާތްތެރިވާ އެތުލީޓުން ވަނީ ބައިވެރިވެފައެވެ. އެގޮތުން، ޖުމްލަ 8 ސަރަޙައްދެއްގެ އެތުލީޓުން ވަނީ މިއަހަރުގެ މުބާރާތުގައި ބައިވެރިވެފައެވެ.

މިއަހަރު ބައިވެރިވެފައިވާ އެތުލީޓުން:

• މާލެ ސިޓީ - 8 އެތުލީޓުން
• ފުވައްމުލައް ސިޓީ - 2 އެތުލީޓުން
• ނ. ޅޮހި - 3 އެތުލީޓުން
• ލ. ގަން - 2 އެތުލީޓުން
• ށ. ކަނޑިތީމު - 2 އެތުލީޓުން
• ނ. މާފަރު - 1 އެތުލީޓު
• މ. މޭވަށް - 1 އެތުލީޓު
• ކ. ދިއްފުށި - 1 އެތުލީޓު

ލަބެރަ ބޮޑީބޯޑިން ޗެލެންޖު މިހާރު ފަށައިގެން ކުރިއަށްދާއިރު، މުބާރާތުގެ ބައިވެރިން ދަނީ ފޯރިގަދަކަމާއެކު ހީޓުތަކުގައި ވާދަކުރަމުންނެވެ.