ކަނޑު ދަތުރުފަތުރު ކުރުމުގައި ސަމާލުވޭ، މިއަދު ވެސް މޫސުން ގޯސް

މޫސުން ގޯސްވުމުގެ ސަބަބުން ރާއްޖޭ ބޮޑު ބަޔަކަށް ނެރެފައިވާ ހުދު ސަމާލު މޫސުމާ ބެހޭ ޤައުމީ އިދާރާއިން ދަންމާލައިފިއެވެ.

އެ އިދާރާއިން ހާމަކޮށްފައިވާ ގޮތުގައި، މިއަދުގެ މެންދުރު 12:00އާ ހަމައަށް ހއ. އަތޮޅުން ފެށިގެން ވ. އަތޮޅަށް މޫސުން ވަރަށް ގޯސްވާނެއެވެ.

އެގޮތުން ގަޑިއަކު 19 މޭލާއި 24 މޭލާ ދެމެދުގެ ބާރު މިނެއްގައި ވައިޖެހޭނެއެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ވަނީ ލަފާކޮށްފައެވެ. 

White Alert for strong winds. pic.twitter.com/MSzy4IX7AA

— Maldives Meteorology (@MetMaldives) August 3, 2025

މޫސުން ގޯސްވާނެކަމަށް ލަފާކުރެވޭތީ ކަނޑުދަތުރުކުރާ ފަރާތްތަކުންނާއި އެހެނިހެން ފަރާތްތަކުން ވެސް މޫސުމަށް ސަމާލުވުމަށް މޫސުމާ ބެހޭ ޤައުމީ އިދާރާއިން ވަނީ އިލްތިމާސްކޮށްފައެވެ.