ފެތުމުގެ ފަންސާސް މީޓަރު ފްރީސްޓައިލް އިވެންޓުގެ ޤައުމީ ރެކޯޑު އައުކޮށްފި

ސިންގަޕޫރުގައި މިހާރު ކުރިއަށްދާ 22 ވަނަ ވޯލްޑް އެކުއަޓިކްސް ޗެމްޕިއަންޝިޕްސްގައި ފިރިހެނުންގެ ލޯންގްކޯސް 50 މީޓަރ ފްރީސްޓައިލް އިވެންޓުގެ ޤައުމީ ރެކޯރޑް މުޙައްމަދު އާން ޙުސައިން އާކޮށްފިއެވެ. 

އާން މި ރެކޯޑު އާކޮށްފައިވަނީ 00:23.81 އިން ރޭސް ނިންމައިގެންނެވެ. މި އިވެންޓުގެ ޤައުމީ ރެކޯޑު އެންމެފަހުން އާކޮށްފައިވަނީ ވެސް އާންއެވެ. އެއީ މިދިޔަ އަހަރު ޕެރިހުގައި ބޭއްވި ޕެރިސް 2024 އޮލިމްޕިކް ގޭމްސްގައި 00:24.22 އިން ރޭސް ފުރިހަމަކޮށްގެންނެވެ.

ވޯލްޑް އެކުއަޓިކްސް ޗެމްޕިއަންޝިޕްސްގައި މީގެ އިތުރުން ވެސް 6 ޤައުމީ ރެކޯޑެއް ވަނީ އާކޮށްފައެވެ.

މި މުބާރާތުގައި އާކުރި ޤައުމީ ރެކޯޑުތައް:

• އަންހެނުންގެ ލޯންގްކޯސް 100 މީޓަރު ބެކްސްޓްރޯކް އިވެންޓު
• އަންހެނުންގެ ލޯންގްކޯސް 200 މީޓަރ އިންޑިވިޖުއަލް މެޑްލޭ އިވެންޓު
• ފިރިހެނުންގެ ލޯންގްކޯސް 200 މީޓަރ ބަޓަރފްލައި އިވެންޓު
• ފިރިހެނުންގެ ލޯންގްކޯސް 100 މީޓަރ ފްރީސްޓައިލް އިވެންޓު
• ހަތަރެއް ގުނަ ސަތޭކަ މީޓަރު މިކްސްޑް މެޑްލޭ ރިލޭ އިވެންޓު
• އަންހެނުންގެ 100 މީޓަރު ފްރީސްޓައިލް އިވެންޓު

މި މުބާރާތް ކުރިޔަށްދާނީ އޯގަސްޓު މަހުގެ 3 ވަނަ ދުވަހުގެ ނިޔަލަށެވެ.