މާލޭގައި ޒުވާނަކު ގެއްލިގެން ހޯދަން ފަށައިފި

މާލޭގައި ޒުވާނަކު ގެއްލިގެން ހޯދަން ފަށައިފިއެވެ. 

ދިވެހި ފުލުހުންގެ ޚިދުމަތުން މިރޭ ހާމަކޮށްފައިވާ ގޮތުގައި، ގެއްލިގެން ހޯދަމުންދަނީ އުމުރުން 30 އަހަރުގެ ޙަސަން ޔާމީން ނަމަކަށް ކިޔާ މީހެކެވެ. 

ޔާމީން ގެއްލިފައިވަނީ މި މަހުގެ 11 ވަނަ ދުވަހެވެ. އެ ރޭ 21:25 ހާއިރު ގެއިން ނިކުމެގެން ދިޔަފަހުން ޚަބަރެއް ނުވާތީ، މި މައްސަލަ ފުލުހުންނަށް ހުށަހަޅާފައިވަނީ  މި މަހުގެ 14 ވަނަ ދުވަހެވެ. 

މާލެ، ގ.ގާރނެޓް، ޙަސަން ޔާމީން (30 އަހަރު)، 2025 ޖުލައި 11 ވަނަ ދުވަހުގެ 21:25 އެހައިކަންހާއިރު މާލޭގައި އޭނާ ދިރިއުޅޭ ގެއިން ނުކުމެގެން ދިޔަފަހުން، އާއިލާއަށް ހަބަރެއްނުވެ ގެއްލިފައިވާ ކަމަށް 2025 ޖުލައި 14 ވަނަ ދުވަހުގެ 20:30 އެހައިކަންހާއިރު ރިޕޯޓްކޮށްފައިވޭ. 1/2 pic.twitter.com/B7uO8awLCE

— Maldives Police (@PoliceMv) July 15, 2025

ފުލުހުން ހާމަކޮށްފައިވާ ގޮތުގައި އޭނާ ހޯދުމުގެ މަސައްކަތް މިހާރު ވަނީ ފަށާފައެވެ. 

އަދި އޭނާއާ ބެހޭ އެއްވެސް މަޢުލޫމާތެއް އެނގޭނަމަ 3322111 އަށް ނުވަތަ ހެންވޭރު ޕޮލިސް އިންވެސްޓިގޭޝަން ނަންބަރު 9400053 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.