ގެއްލިގެން ހޯދި އަންހެންމީހާ ފެނިއްޖެ، ހާލު ރަނގަޅު

މާލެއިން ގެއްލިގެން ހޯދަމުން ދިޔަ އުމުރުން 18 އަހަރުގެ އަންހެން މީހާ ފެނިފައިވާކަމަށް ދިވެހި ފުލުހުންގެ ހިދުމަތުން ހާމަކޮށްފިއެވެ.

އައިޝަތު ލަމްޔާ ނަމަކަށް ކިޔާ މި ޒުވާނާ ގެއްލިފައިވާކަމަށް ފުލުހުންނަށް ރިޕޯޓުކޮށްފައިވަނީ އިއްޔެގެ މެންދުރުފަހު 1:00 ގައެވެ.

އަދި އޭނާގެ ހަބަރެއްވެފައި ނުވަނީ ހޯމަ ދުވަހުގެ ރޭގެ 8:30ގައި ގެއިން ނިކުމެގެން ދިޔަފަހުންކަމަށް މައުލޫމާތު ލިބިފައި ވެއެވެ.

ލަމްޔާ ފެނިފައިވާކަމަށް ފުލުހުން ހާމަކޮށްފައި ވަނީ ރޭގެ މެންދަމު 12:30 ގައެވެ. އަދި ފެނުނުއިރު އޭނާގެ ހާލު ރަގަޅުކަމަށް ހާމަކޮށްފައި ވެއެވެ. ނަމަވެސް އޭނާ ގެއްލިގެން ހޯދިއިރު ހުރީ ނުވަތަ އުޅުނީ ކޮންތަނަކުކަމާއި، ކޮންބަޔަކާއެކުކަމެއް ފުލުހުން ހާމަކޮށްފައެއް ނުވެއެވެ.