މާލެ އާއި ހުޅުމާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ: ސްޓެލްކޯ

ކަރަންޓުގެ ވިއުގަ އަޕްގްރޭޑުކުރުމުގެ މަސައްކަތްތަކެއް ކުރަމުންދާތީ، މާލެ އާއި ހުޅުމާލޭގެ ބައެއް ސަރަހައްދުތަކުން މިއަދު މެންދުރުފަހު ކަރަންޓު ކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ހާމަކޮށްފިއެވެ.

އެގޮތުން މާލޭގެ އިތުރުން، ހުޅުމާލޭގެ ފުރަތަމަ ފިޔަވަހީގެ ބައެއް ހިސާބުތަކުން ވެސް ކަރަންޓު ކެނޑިދާނެކަމަށް އެ ކުންފުނިން ވަނީ ހާމަކޮށްފައެވެ. 

ހުޅުމާލެއިން ކަރަންޓު ކެނޑިދާނެކަމަށް ހާމަކޮށްފައިވަނީ ހަލަވެލިމަގާއި ނިރޮޅު މަގު ގޯލި 10 ހިމެނޭ ސަރަހައްދުންނެވެ. އެ ސަރަހައްދުގައި ހިމެނެނީ ލޮޓް 10163-10172، 10128-10132، 10118، 10157 އަދި 10158އެވެ.

މި މަސައްކަތް ކުރިޔަށްދާނީ މިއަދު މެންދުރުފަހު 2:00 އިން ފެށިގެން 3:30 އަށް ކަމަށް ވެސް ސްޓެލްކޯއިން ވަނީ ހާމަކޮށްފައެވެ.

މިކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، ހުޅުމާލެ ފުރަތަމަ ފިޔަވަހި، ނިރޮޅު މަގު، ހަލަވެލި މަގު، ނިރޮޅު މަގު ގޯޅި 10 ހިމެނޭ ސަރަޙައްދުން 17 ޖޫން 2025 ވާ އަންގާރަ ދުވަހުގެ (މިއަދު) މެންދުރުފަހު 14:00 އާއި 15:30 އާ ދެމެދު ކަރަންޓުގެ ޚިދުމަތް… pic.twitter.com/RZ1ZjMF6vM

— STELCO (@STELCOMALDIVES) June 17, 2025

އަދި ދުރާލާ އަންގައިގެން ކަރަންޓު ކަނޑާލިކަމުގައިވިޔަސް، މިކަމުގެ ސަބަބުން ދިމާވެދާނެ ދަތިތަކަށް ސްޓެލްކޯއިން ވަނީ މައާފަށްއެދިފައެވެ.