ތުލުސްދޫ ހޮސްޕިޓަލްގެ އަމަލީ މަސައްކަތް ފެށުމަށް ތައްޔާރުވެއްޖެ

ކ. ތުލުސްދޫގައި ސަރުކާރުން ގާއުމްކުރުމަށް ނިންމާފައިވާ ހޮސްޕިޓަލުގެ އަމަލީ މަސައްކަތް ފެށުމަށް ތައްޔާރުވެއްޖެއެވެ. އެގޮތުން ހޮސްޕިޓަލް ތަރައްގީ ކުރުމަށް ހަމަޖެހިފައިވާ ސަރަހައްދުގެ ބިން ސާފުކުރުމުގެ މަސައްކަތް މިހާރު ވަނީ ފަށާފައެވެ.

މި ހޮސްޕިޓަލުގެ މަސައްކަތް، މިދިޔަ މާރިޗު މަހު ހަވާލުކޮށްފައި ވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާއެވެ.

1،600އަށް ވުރެ ގިނަ މީހުން ދިރިއުޅެމުންދާ ތުލުސްދޫގައި އިމާރާތްކުރުމަށް ހަމަޖެހިފައިވަނީ 30 އެނދުގެ ހޮސްޕިޓަލެކެވެ. 

މި މަޝްރޫއުގެ ދަށުން 1729.10 އަކަފޫޓުގެ ހެލްތު ސެންޓަރު ބްލޮކަކާއި، 238.11 އަކަފޫޓުގެ ސަރވިސް ބްލޮކެއްގެ އިތުރުން 167.63 އަކަފޫޓުގެ އެކޮމޮޑޭޝަން ބްލޮކެއް އިމާރާތްކުރުމަށް ވެސް ވަނީ ހަމަޖެހިފައެވެ.

MTCC has begun preparations to commence physical works on the K. Thulusdhoo Hospital Project.

Upon completion, the hospital will feature a 30-bed health center block, a service block, and an accommodation block. The project is valued at MVR 101.71 million.#MTCCprojects… pic.twitter.com/ju9RZU5Hl5

— MTCC Plc (@MTCCPlc) June 11, 2025

ހޮސްޕިޓަލުގެ ހެލްތު ސެންޓަރު ބްލޮކުގައި ހިމެނެނީ  ޑޮކްޓަރަށް ދައްކާ ކޮޓަރިއާއި، މެޑިކަލް ވޯޑުތަކާއި، ޕްރައިވެޓް ރޫމްތަކެވެ. އަދި ލެބޯރެޓަރީއަކާއި، އޮޕަރޭޝަން ތިއޭޓަރަކާއި، ވިއްސާ ކޮޓަރިއަކާއި، އެކްސްރޭ ކޮޓަރިއަކާއި، އަލްޓްރާ ސައުންޑް ކޮޓަރިއަކާއި، އިމަރޖެންސީ ޚިދުމަތްދޭ ޔުނިޓެއްގެ އިތުރުން ޕަބްލިކް ހެލްތު ޔުނިޓެއްވެސް ތަރައްޤީ ކުރުމަށް ހަމަޖެހިފައިވެއެވެ.

މި މަސައްކަތް އެމްޓީސީސީއާ ހަވާލުކޮށްފައި ވަނީ 101.71 މިލިއަން ރުފިޔާއަށެވެ. 

ތުލުސްދޫގެ އާނާދީއަށް މިހާރު ސިއްހީ ހިދުމަތް ފޯރުކޮށްދެމުން އަންނަނީ އެ ރަށު ސިއްހީ މަރުކަޒުންނެވެ. މި ތަނުން 24 ގަޑިއިރު ހިދުމަތް ދެއެވެ.