ދެގައުމުގެ ކޯޅުމުގެ ތެރެއިން އިންޑިއާގެ އެއަރކްރާފްޓަށް ގެއްލުންްތަކެއް ލިބުނު ކަމަށް އިންޑިއާއިން އިއުތިރާފްވެއްޖެ

އިންޑިއާ އާއި ޕާކިސްތާނާއި ދެމެދު ހިނގި ކޯޅުންގަނޑުގެ ތެރެއިން އިންޑިއާގެ އެއަރކްރާފްޓަށް ބޮޑެތި ގެއްލުންތަކެއް ލިބުނު ކަމަށް އިންޑިއާގެ ޗީފް އޮފް ޑިފެންސް ސްޓާފް ޖެނެރަލް އަނިލް ޗައުހާން އިއުތިރާފްވެއްޖެއެވެ.

އިންޑިއާގެ ޗީފް އޮފް ޑިފެންސް ސްޓާފް، ޖެނެރަލް އަނިލް ޗައުހާން ވަނީ ޕާކިސްތާނާ އެކު ހިނގި ހަނގުރާމައިގައި އިންޑިއާގެ އެއަރކްރާފްޓްތަކެއް ވައްޓާލެވުނު ކަމަށް އިއުތިރާފުވެފައެވެ. މިއީ ދެ ގައުމުގެ ދެމެދުގައި ފާއިތުވި މަހު ހިނގި ހަމަލާބަދަލުކުރުންތަކުގައި ހިނގައިގެން ގޮސްފަައިވާ  ކަމެކެވެ.

މި ހަނގުރާމަ ފެށުނީ އޭޕްރިލް 22 ވަނަ ދުވަހު އިންޑިއާ ބެލުމުގެ ދަށުގައިވާ ކަޝްމީރުގެ ޕަހަލްގާމް ސަރަހައްދުގައި 26 ފަތުރުވެރިން މަރާލުމާ ގުޅިގެންނެވެ. އިންޑިއާއިން ބުނެފައިވަނީ މި ހަމަލާ ދިނީ ޕާކިސްތާނުގެ އެހީތެރިކަން ލިބިގެން ހަރަކާތްތެރިވާ ހަތިޔާރުއެޅި ގްރޫޕަކުން ކަމަށެވެ.

މޭ 7 ވަނަ ދުވަހު އިންޑިއާއިން ވަނީ ޕާކިސްތާނުގެ "ޓެރަރިސްޓް އިންފްރާސްޓްރަކްޗަރ" އަށް ހަމަލާދީފައެވެ. 

މި ހަމަލާތަކުގައި މަދުވެގެން 6 ސިޓީއަކަށް ހަމަލާދިން ކަމަށް އިންޑިއާއިން ބުނެއެވެ. ޕާކިސްތާނުން ފުރަތަމަ ބުނީ 6 އިންޑިއަން ޖެޓް ވައްޓާލެވުނު ކަމަށެވެ. ނަމަވެސް ފަހުން އަލްޖަޒީރާއަށް ޕާކިސްތާނުގެ އިސް އޮފިޝަލަކު ބުނެފައިވަނީ 5 އެއަރކްރާފްޓް ވައްޓާލެވުނު ކަމަށެވެ.

މި ހަނގުރާމައިގައި ދެފަރާތުން 70 އަށްވުރެ ގިނަ މީހުން މަރުވެފައިވާ ކަމަށް ބެލެވެއެވެ. އެމެރިކާގެ ރައީސް ޖޯ ބައިޑެން މެދުވެރިވެގެން މޭ 10 ވަނަ ދުވަހު ވަނީ ހަނގުރާމަ ހުއްޓާލުމަށް އެއްބަސްވެފައެވެ. ހަނގުރާމަ ހުއްޓާލެވިފައިވަނީ ނިއުކްލިއަރ ހަނގުރާމައަކަށް ހިނގައިދާނެ ކަމުގެ ބިރު ހީވެފައިވަނިކޮށެވެ. 

ޝަންގްރި-ލާ ޑައިލޮގް ސެކިއުރިޓީ ފޯރަމްގައި ޖެނެރަލް ޗައުހާން ދެއްކި ވާހަކަތަކުން، އިންޑިއާގެ އެއަރކްރާފްޓްތަކެއް ގެއްލުނު ކަން ފުރަތަމަ ފަހަރަށް ރަސްމީކޮށް އެ ޤައުމުން ވަނީ އިއުތިރާފުވެފައެވެ.

އިންޑިއާގެ ޗީފް އޮފް ޑިފެންސް ސްޓާފް ޖެނެރަލް އަނިލް ޗައުހާން ވަނީ އިންޑިއާ އާއި ޕާކިސްތާނުގެ ދެމެދުގައި ހިނގި ހަނގުރާމައިގެ ފުރަތަމަ ދުވަހު އިންޑިއާގެ އެއަރ ފޯސްއަށް ގެއްލުންތަކެއް ލިބުނު ކަމަށް އިއުތިރާފުވެފައެވެ. ނަމަވެސް އޭނާ ވަނީ މި ގެއްލުންތަކުގެ ތަފްސީލު ހާމަނުކުރައްވައެވެ.

ރޮއިޓަރސްއަށް ދެއްވި އިންޓަވިއުއެއްގައި ޖެނެރަލް ޗައުހާން ވިދާޅުވީ "މުހިންމީ މި ގެއްލުންތައް ލިބުނީ ކީއްވެގެންކަމާއި، އޭގެ ފަހުން އަޅުގަނޑުމެން ކުރާނީ ކޮން ކަމެއްކަން" ކަމަށެވެ. އަދި މި ގެއްލުންތަކަށްފަހު އިންޑިއާގެ ސިފައިން ވަނީ އެމީހުންގެ ހަނގުރާމަވެރި ސްޓްރެޓެޖީތައް ބަދަލުކޮށް، މެއި 7، 8 އަދި 10 ވަނަ ދުވަހު ޕާކިސްތާނުގެ އެއަރބޭސްތަކަށް ހަމަލާދީފައިވާ ކަމަށް އޭނާ ވިދާޅުވިއެވެ.

އެހެންނަމަވެސް، ޕާކިސްތާނުން ބުނެފައިވަނީ އެމީހުންގެ އެއަރބޭސްތަކަށް ކުދިކުދި ގެއްލުންތަކެއް ލިބުނު ނަމަވެސް، އެއްވެސް މަތިންދާބޯޓެއް ގެއްލިފައި ނުވާ ކަމަށެވެ. ޕާކިސްތާނުން ބުނެފައިވާ ގޮތުގައި އިންޑިއާގެ 6 ޖެޓް މަތިންދާބޯޓު ވެއްޓިފައިވާއިރު، މި މައުލޫމާތު ރަނގަޅު ނޫންކަމަށް ޖެނެރަލް ޗައުހާން ވިދާޅުވެފައިވެއެވެ.

މީޑިއާ ރިޕޯޓުތަކުގައި ފާހަގަކޮށްފައިވާ ގޮތުގައި ބައެއް ހަމަލާތައް އަމާޒުވެފައިވަނީ ޕާކިސްތާނުގެ ނިއުކްލިއަރ ސައިޓްތަކާ ކައިރި ސަރަހައްދުތަކަށެވެ. ނަމަވެސް ނިއުކްލިއަރ އިންފްރާސްޓްރަކްޗަރއަށް ސީދާ އަމާޒުކޮށްފައި ނުވާކަމަށް ޖެނެރަލް ޗައުހާން ވިދާޅުވެފައިވެއެވެ. އަދި ދެ ގައުމުންވެސް ވަނީ ނިއުކްލިއަރ ހަތިޔާރު ބޭނުންކުރުމުގެ ވިސްނުމެއް ނެތްކަން ކަށަވަރުކޮށްދީފައެވެ.

ޗައިނާގެ ދައުރާ ގުޅޭގޮތުން ވާހަކަދައްކަވަމުން، ޖެނެރަލް ޗައުހާން ވިދާޅުވީ ޕާކިސްތާނާއި ޗައިނާއަކީ ގާތް އެކުވެރިން ނަމަވެސް، މި ހަނގުރާމައިގައި ޗައިނާއިން ޕާކިސްތާނަށް އެހީތެރިވިކަމުގެ އެއްވެސް ހެއްކެއް ފެންނަން ނެތް ކަމަށެވެ. އަދި އިންޑިއާގެ އުތުރު އަދި އުތުރު-އިރުމަތީ ސަރަހައްދުތަކުގައި އާދަޔާ ޚިލާފު އެއްވެސް ހަރަކާތެއް ހިންގާފައި ނުވާކަމަށްވެސް އޭނާ ވިދާޅުވިއެވެ.