ޚަބަރު
ކޮންމެ އަންހެން ކުއްޖަކަށްވެސް ފެންވަރު ރަނގަޅު ތަޢުލީމާއި ޑިޖިޓަލް ހުނަރު ލިބޭނެ މާޙައުލެއް ޤާއިމުކުރުން މުހިންމު:ރައީސް މުޢިއްޒު
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އޮމްދޫއަށް ކުރެއްވި ދަތުރުފުޅޫގެ ތެރެއިން ފޮޓޯ:ރައީސް އޮފީސް
ޓެކްނޮލޮޖީ ދާއިރާގައި އަންހެން ކުދިންގެ ދައުރު ފުޅާކުރުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ގޮވާލައްވައިފިއެވެ. މިއަދު ފާހަގަކުރެވޭ "ގާލްސް އިން އައިސީޓީ ޑޭ" އާ ގުޅިގެން ރައީސް މުޢިއްޒު އެކްސް ގައި ކުރެއްވި ޕޯސްޓެއްގައި މިކަން ފާހަގަކުރައްވާފައިވެއެވެ.
On #GirlsInICTDay, we celebrate the incredible potential of young women in technology. Let us strive to create an inclusive environment where every girl has access to quality education, can develop digital skills, and is empowered to lead our nation in innovation and digital… pic.twitter.com/JQi7bB1y3C
— Dr Mohamed Muizzu (@MMuizzu) April 24, 2025
ރައީސް މުޢިއްޒުގެ ޕޯސްޓުގައި، ޓެކްނޮލޮޖީ ދާއިރާގައި ޒުވާން އަންހެނުންގެ ޤާބިލުކަން ފާހަގަކުރައްވައި، ކޮންމެ އަންހެން ކުއްޖަކަށްވެސް ފެންވަރު ރަނގަޅު ތަޢުލީމާއި ޑިޖިޓަލް ހުނަރު ލިބޭނެ މާޙައުލެއް ޤާއިމުކުރުމަށް މަސައްކަތްކުރުމުގެ މުހިންމުކަން ފާހަގަކުރައްވާފައިވެއެވެ. އަދި އިނޮވޭޝަނާއި ޑިޖިޓަލް ޓްރާންސްފޮމޭޝަންގެ ދާއިރާއިން ޤައުމު ކުރިއަށް ގެންދިއުމުގައި އަންހެން ކުދިން ބާރުވެރިކުރުވުމަށް ގޮވާލައްވާފައިވެއެވެ.
އަންހެން ކުދިންގެ ތަޢުލީމާއި ބާރުވެރިކަރިކަމަށް އިންވެސްޓްކުރުމަކީ ދިވެހިރާއްޖޭގެ މުސްތަޤުބަލަށް ކުރެވޭ އިންވެސްޓްމަންޓެއް
ރައީސް މުޢިއްޒު
އިންފޮމޭޝަން ޓެކްނޮލޮޖީ އަދި ޑިޖިޓަލައިޒޭޝަންގެ ދާއިރާގައި ހަރަކާތްތެރިވަމުންދާ އަންހެނުންގެ އަދަދު އިތުރުކުރުމަށާއި ކުރިއެރުވުމަށް ސަރުކާރުން ބާރުއަޅަމުން ގެންދެއެވެ.
މީގެ އިތުރުން، ދެ ޖިންސުގެ ދެމެދުގައި ތަފާތުކުރުމެއްނެތި އިޖުތިމާއީ، އިގްތިސާދީ، އަދި ސިޔާސީ މައިދާނުގައި އަންހެނުންނަށް ހަމަހަމަ ފުރުސަތު ކަށަވަރުކުރުމަށް ރައީސް ވަރަށް ބޮޑު އަހަންމިއްޔަތުކަމެއް ދެއްވާ ކަމެކެވެ.
