މިލަންދޫގައި އައިޑީ ކާޑު ޕްރިންޓުކުރުމުގެ ޚިދުމަތް ފަށައިފި

 ށ. މިލަންދޫގައި ދިވެހިރާއްޖޭގެ ރައްޔިތެއްކަން އަންގައިދޭ ކާޑު ޕްރިންޓުކުރުމުގެ ޚިދުމަތް ފަށައިފިއެވެ.

ޑީއެންއާރުން ވިދާޅުވީ، އައިޑީ ކާޑުގެ ޚިދުމަތް މިލަންދޫގައި ފެށުމާއެކު ރަށު ކައުންސިލް އިދާރާއިން، އައިޑީ ކާޑު ހެއްދޭނެކަމަށެވެ.  ހަމަމިއާއެކު 24 ގަޑިއިރުގެ ތެރޭގައި އައިޑީ ކާޑު ލިބޭނެ ކަމަށްވެސް ޑީއެންއާރުން ވިދާޅުވިއެވެ.

ރާއްޖޭގެ މީހުން ދިރިއުޅޭ ކޮންމެ އަތޮޅަކުން  އައިޑީ ކާޑުގެ ޚިދުމަތް ފޯރުކޮށްދިނުމަކީ ސަރުކާރުގެ މުހިންމު ސިޔާސަތެކެވެ. އަދި މި ސިޔާސަތުގެ ދަށުން، ރާއްޖޭގެ ގިނަ ރަށްރަށުގައި  އައިޑީކާޑު ޕްރިންޓުކޮށް ދޫކުރުމުގެ ޚިދުމަތް ވަނީ ފަށާފައެވެ.

ID card printing is now available at Sh. Milandhoo Council! Residents of Milandhoo can now receive their ID cards within 24 hours right from the island. pic.twitter.com/KbQh5gDKi9

— Department of National Registration (@dnrmaldives) April 21, 2025

ށ. މިލަންދޫގައި އައިޑީ ކާޑު ޕްރިންޓްކުރުމުގެ ޚިދުމަތް ޤާއިމުކޮށްފައިވާއިރު، އެ އަތޮޅުގައި ވެރިކަންކުރާ ރަށްކަމުގައިވާ ށ. ފުނަދޫގައިވެސް އައިޑީ ކާޑު ޕްރިންޓުކުރުމުގެ ޚިދުމަތް ދަނީ ފޯރުކޮށްދެމުންނެވެ.