ޕީއެންސީގެ ދާއިރާތަކުގެ ރައީސުންނާ ޕާޓީގެ ލީޑަރޝިޕުން ބައްދަލުކުރައްވައިފި

ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ދާއިރާތަކުގެ ރައީސުންނާ އެ ޕާޓީގެ ލީޑަރޝިޕްގެ އިސް ބޭފުޅުން ބައްދަލުކުރައްވައިފިއެވެ. މި ބައްދަލުވުމަކީ ޕާޓީގެ ކުރިމަގުގެ ހަރަކާތްތައް ރޭވުމަށާއި، ދާއިރާތަކުގެ މަސައްކަތްތައް ހަރުދަނާކުރުމަށް ބޭއްވުނު މުހިންމު ބައްދަލުވުމެކެވެ.

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ ރާއްޖޭގެ އެކި ދާއިރާތަކުގައި ޕާޓީގެ ހަރަކާތްތައް މިހާރަށްވުރެ ބޮޑަށް ފުޅާކޮށް، ރައްޔިތުންނާ ގާތުން މަސައްކަތްކުރެވޭނެ އިންތިޒާމުތައް ހަމަޖެއްސުމާ ގުޅޭގޮތުންނެވެ. ޕާޓީގެ ވަރުގަދަކުރުމަށްޓަކައި ދާއިރާތަކުގެ ރައީސުންގެ ދައުރު ފާހަގަކޮށް، ލީޑަރޝިޕުން ވަނީ އިރުޝާދުތައް ދެއްވާފައެވެ.

ކޮންގްރެސް ޕާޓީގެ ދާއިރާތަކުގެ ރައީސުންނާ ޕާޓީގެ ލީޑަރޝިޕްގެ ފަރާތުން ބައްދަލުކުރެއްވުން. މި ބައްދަލުވުމުގައި ދާއިރާތަކުގައި ޕާޓީގެ ހަރަކާތްތައް އިތުރަށް ފުޅާކުރުމާއި 11 ޖުލައި 2026 ގައި ބޭއްވުމަށް ހަމަޖެހިފައިވާ ދާއިރާ އަދި ސްޓިއަރިންގް ކޮމިޓީތަކުގެ އިންތިޙާބާއި ގުޅޭގޮތުން… pic.twitter.com/RgWDqWUYJM

— PNC Secretariat (@pnc_secretariat) July 1, 2026

މީގެ އިތުރުން، ކުރިއަށް އޮތް 11 ޖުލައި 2026 ގައި ބޭއްވުމަށް ތާވަލުކުރެވިފައިވާ ޕާޓީގެ ދާއިރާ އިންތިޚާބާއި ސްޓިއަރިންގް ކޮމިޓީތަކުގެ އިންތިޚާބާ ގުޅޭގޮތުން ވެސް މި ބައްދަލުވުމުގައި ފުޅާދާއިރާއެއްގައި މަޝްވަރާކުރެވުނެވެ. މި އިންތިޚާބަކީ ޕާޓީގެ އެތެރޭގެ ޑިމޮކްރަސީ ވަރުގަދަކުރުމަށް އެޅޭ މުހިންމު ފިޔަވަޅެއްގެ ގޮތުގައި ޕީއެންސީން ދެކެއެވެ.

ބައްދަލުވުން ނިންމާލާފައިވަނީ ޕާޓީގެ ހަރަކާތްތައް ހުރިހާ ރަށެއްގައިވެސް ހަކަތައާއެކު ކުރިއަށް ގެންދިއުމަށް ދާއިރާތަކުގެ ރައީސުންނާއެކު އެއްބަސްވެވަޑައިގަންނަވަމުންނެވެ.