އިންޓަޕޯލް ސައިބަރ ގޭމްސްގައި ރާއްޖޭގެ ދެފުލުހަކު ބައިވެރިވެއްޖެ

މޮރޮކޯގެ މަރަކޭޝްގައި ބޭއްވި އިންޓަޕޯލްގެ 8 ވަނަ ޑިޖިޓަލް ސެކިއުރިޓީ ޗެލެންޖް (ސައިބަރ ގޭމްސް) ގައި ދިވެހި ފުލުހުންގެ ޚިދުމަތުގެ ދެ އޮފިސަރަކު ބައިވެރިވެއްޖެއެވެ.

މި ހަރަކާތް ކުރިއަށް ގޮސްފައިވަނީ 2026 މެއި 19 އިން 21 އަށެވެ.

މި ޕްރޮގްރާމަކީ ސައިބަރ ކުށްތަކާ ދެކޮޅަށް މަސައްކަތް ކުރުމުގައި ބޭނުންވާ އަމަލީ ހުނަރުތައް އިތުރުކުރުމަށް އަމާޒުކޮށްގެން ކުރިއަށް ގެންދިޔަ ހަރަކާތެކެވެ. މީގެ ތެރޭގައި ސްކޭމް ނެޓްވޯކްތަކާ ދެކޮޅަށް ގުޅިގެން ހިންގާ އޮޕަރޭޝަންތަކާއި، އިންޓެލިޖެންސް މައުލޫމާތު ބޭނުންކުރުމާއި، ހެކި ބެލެހެއްޓުމުގެ އިތުރުން ތުހުމަތުކުރެވޭ ފަރާތްތަކާ ސުވާލުކުރުމުގެ ހުނަރުތައް ހިމެނެއެވެ.

މީގެ އިތުރުން، ބައިނަލްއަގުވާމީ ގާނޫނީ ވަސީލަތްތައް ބޭނުންކޮށްގެން ސައިބަރ ކުށްތައް ތަހުގީގުކުރާނެ ގޮތްތަކާ ގުޅޭގޮތުން ވެސް މި ތަމްރީނުތަކުގައި މައުލޫމާތު ދީފައިވެއެވެ. މިއީ ޑިޖިޓަލް އިންވެސްޓިގޭޝަން ދާއިރާއިން ފުލުހުންގެ ގާބިލުކަން އިތުރުކުރުމަށް ކުރަމުންދާ މަސައްކަތުގެ ބައެކެވެ.

Two officers participated in the 8th Digital Security Challenge (Cyber Games) organized by @INTERPOL_HQ held in Marrakech, Morocco, from 19 to 21 May 2026.

The program focused on strengthening practical skills in tackling cybercrime, including coordinated operations against… pic.twitter.com/uhOLxBnAtB

— Maldives Police (@PoliceMv) May 31, 2026

މިފަދަ ބައިނަލްއަގުވާމީ ހަރަކާތްތަކުގައި ބައިވެރިވުމުގެ ސަބަބުން، ބޯޑަރު ހުރަސްކޮށް ހިންގާ އޮންލައިން ފްރޯޑް ނުވަތަ މަކަރާއި ހީލަތުގެ މައްސަލަތައް ހުއްޓުވުމުގައި އެހެން ގައުމުތަކާ ގުޅިގެން މަސައްކަތް ކުރުމުގެ ފުރުސަތު ރާއްޖޭގެ ފުލުހުންނަށް ފަހިވެގެންދާނެއެވެ.