ދިވެހިރާއްޖެއާއި ޔޫއޭއީއާ ދެމެދު ފަތުރުވެރިކަމުގެ ޖޮއިންޓް ވޯކިން ގްރޫޕެއް އެކުލަވާލަނީ

ދިވެހިރާއްޖެއާއި ޔުނައިޓެޑް އަރަބް އެމިރޭޓްސް (ޔޫއޭއީ) އާ ދެމެދު ފަތުރުވެރިކަމުގެ ދާއިރާއިން ގުޅިގެން މަސައްކަތްކުރުމަށް ޖޮއިންޓް ޓޫރިޒަމް ވޯކިން ގްރޫޕެއް އެކުލަވާލުމަށް އެއްބަސްވެއްޖެއެވެ. މި އެއްބަސްވުމަށް އާދެވިފައިވަނީ، މިހާރު ސައުދީ އަރަބިއްޔާއަށް ރާއްޖޭގެ ފަތުރުވެރިކަމާ ތިމާވެއްޓާ ބެހޭ ވަޒީރު ޠާރިޤު އިބްރާހީމް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

ވަޒީރު ޠާރިޤު އިބްރާހީމް މިގޮތަށް އެއްބަސްވެވަޑައިގަތީ ސައުދީ އަރަބިއްޔާގެ ރިޔާދުގައި ކުރިއަށްދާ ޔޫއެން ޓޫރިޒަމް ޖެނެރަލް އެސެމްބްލީގައި ބައިވެރިވެވަޑައިގަތުމަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. މި ދަތުރުފުޅުގައި ޔޫއޭއީގެ ފަތުރުވެރިކަމާއި އިޤްތިޞާދާއި ބެހޭ ވަޒީރު އަބްދުﷲ ބިން ތޫގް އަލް މަރީއާ އެކު ބޭއްވެވި ބައްދަލުކުރެއްވުމެއްގައެވެ.

Minister @ThoriqIbrahim met with H.E. Abdulla Bin Touq Al Marri, UAE Minister of Economy & Tourism, on the sidelines of the #UNTGA26.

The two Ministers agreed to establish a Joint Tourism Working Group, focusing on sustainability, renewable energy, and capacity building to… pic.twitter.com/pimpoDow3J

— Ministry of Tourism and Environment (@MoTmv) November 10, 2025

މި ބައްދަލުކުރެއްވުމުގައި، ފަތުރުވެރިކަމުގެ ދާއިރާގައި ދެމެހެއްޓެނިވި ތަރައްޤީއާއި، އިއާދަކުރަނިވި ހަކަތައިގެ ބޭނުންކުރުމާއި، އަދި އިންސާނީ ވަސީލަތްތައް ބިނާކުރުމަށް އެހީތެރިވެދޭނެ ވޯކިން ގްރޫޕެއް އެކުލަވާލުމަށް ވަނީ އެއްބަސްވެފައެވެ. ފަތުރުވެރިކަމާ ބެހޭ ވުޒާރާއިން ވިދާޅުވީ، މި ވޯކިން ގްރޫޕުގެ ސަބަބުން ދެ ގައުމުގެ ގުޅުން އިތުރަށް ބަދަހިވެގެންދާނެ ކަމަށެވެ.

އ.ދ. ގެ ފަތުރުވެރިކަމާ ބެހޭ ޖަމްޢިއްޔާގެ އާއްމު ބައްދަލުވުން ކުރިއަށްދަނީ މި މަހުގެ 7 ވަނަ ދުވަހުން ފެށިގެގެން 11 ވަނަ ދުވަހުގެ ނިޔަލަށެވެ. މި އަހަރުގެ ބައްދަލުވުން ކުރިއަށްދަނީ "އޭ.އައި. ޕަވަރޑް ޓޫރިޒަމް: ރީޑިފައިނިންގ ދަ ފިއުޗަރ" މި ޝިއާރުގެ ދަށުންނެވެ. މި ބައްދަލުވުމުގައި ވައިސް-ޕްރެޒިޑެންޓްގެ ހައިސިއްޔަތުން މިމަހުގެ 9 ވަނަ ދުވަހު ބޭއްވި އާއްމު ބައްދަލުވުމުގެ ރިޔާސަތު ބެލެހެއްޓެވީ ފަތުރުވެރިކަމާ ތިމާވެއްޓާ ބެހޭ ވަޒީރު ޠާރިޤު އިބްރާހީމެވެ.