ޚަބަރު
މިއަދު މާލޭގެ ބައެއް ސަރަޙައްދުތަކުން ކަރަންޓު ކެނޑިދާނެ: ސްޓެލްކޯ
ސްޓެލްކޯ/ފޮޓޯ: އެޓޯލް ޓައިމްސް
މާލޭގެ ބައެއް ސަރަޙައްދުތަކުން މިއަދު ކަރަންޓުގެ ޚިދުމަތް ވަގުތީ ގޮތުން މެދުކެނޑިދާނެކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯއިން ހާމަކޮށްފިއެވެ.
ސްޓެލްކޯއިން މަޢުލޫމާތު ދީފައިވާ ގޮތުގައި، ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށްޓަކައި މިއަދު، މާލޭގެ ބައެއް ސަރަޙައްދުތަކުން ކަރަންޓުގެ ޚިދުމަތް ވަގުތީ ގޮތުން މެދުކެނޑިދާނެއެވެ.
އެގޮތުން، ކަރަންޓު ކެނޑޭނެކަމަށް ލަފާކުރެވޭ ސަރަޙައްދުތަކުގެ ތެރޭގައި މާލެ ސިޓީ، ސޯސަން މަގު، މުތީ ގޯޅި، މިއަލަނި ގޯޅި، ކާސިންޖީ މަގު، ދިއްލީ މަގު ހިމެނޭ ސަރަޙައްދުތައް ހިމެނެއެވެ. ކަރަންޓުގެ ޚިދުމަތް މެދުކެނޑިދާނެކަމަށް ލަފާކުރެވެނީ މިއަދު މެންދުރުފަހު 13:30 އާއި 14:15 އާއި ދެމެދުގެ ވަގުތެއްގައިކަމަށް ސްޓެލްކޯއިން ވަނީ ވިދާޅުވެފައެވެ.
ކަރަންޓުގެ ޚިދުމަތް މެދުކެނޑެނީ، ކުންފުނިން ކަރަންޓުގެ ވިއުގަ އިތުރަށް ހަރުދަނާކޮށް، ޒަމާނީ ކުރުމަށް ކުރިއަށް ގެންދާ މަސައްކަތްތަކުގެ ތެރެއިން ކަމަށް ސްޓެލްކޯއިން ބުނެއެވެ.
މިކަމާ ގުޅިގެން ދިމާވެދާނެ ދަތިތަކަށް ކުންފުނިން ވަނީ މާފަށް އެދިފައެވެ.
މިކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، ސޯސަން މަގު، މުތީ ގޯޅި، މިއަލަނި ގޯޅި، ކާސިންޖީ މަގު، ދިއްލީ މަގު ހިމެނޭ ސަރަޙައްދުން 2 ނޮވެންބަރު 2025 ވާ އާދިއްތަ ދުވަހުގެ (މާދަމާ) މެންދުރުފަހު 13:30 އާއި 14:15 އާ ދެމެދު ކަރަންޓުގެ ޚިދުމަތް… pic.twitter.com/TOtJ2Vcxjk
— STELCO (@STELCOMALDIVES) November 1, 2025